Micha 1:13 - O Debleskro Drom 2021 (Sinte)

¹³ Tumer an o foro Lakish, lenn tumenge graja un tchiwenn len glan i wurdja, un nashenn tumenge! Tumer anan i menshen dran o foro Zion ap o tchilatcho drom! An tumaro foro well sawo tchilatchepen kerdo har an o them Israel.

O Debleskro Lab 2024 (Sinte-Manouche)

¹³ T'mer an o foro Lakish, lenn t'menge graya oun čivenn len glan i vourdya, oun nashenn t'menge! T'mer anan i menshen dran o foro Sion ap o čilačo drom! An t'maro foro vell savo čilačepen kerdo har an o them Israel.

Micha 1:13 Iomraidhean Croise

1. Mose 19:17

Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

2. Rajengro liil 14:19

Un jon kran pen khetne an o foro Jerusalem, te marenn le o Amazja. Job nashas peske an o foro Lakish. Un jon bitchran murshen leske palla an o foro Lakish un maran les kote.

2. Rajengro liil 18:17

Un o baro rai pral o them Assur bitchras peskre triin pralstune murshen pash o Hiskija: o Tartan, o Rabsaris un o Rabshake. Kolla djan bud lurdentsa dran o foro Lakish pre an o foro Jerusalem. Un har le koi wan, atchan le pral tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

2. Rajengro liil 8:18

Jek o Ahabeskre tchendar his leskri romni. Un jaake har o Ahabeskri familja djas lo ninna ap o tchilatcho drom, kai o Israeleskre bare raja djan, un kras, hoi djungeles his glan o baro Debleskre jaka.

2. Familjakro liil 11:9

Adorajim, Lakish, Aseka,

2. Familjakro liil 32:9

Pal i tsiro, har his ko baro rai pral o them Assur, o Sanherib, peskre lurdentsa pash o foro Lakish tardo, bitchras lo peskre pralstune murshen an o foro Jerusalem pash o Hiskija, ko baro rajeste pral o them Juda, un mukas leske un kol tsele menshenge dran Juda, kai an Jerusalem his, te penell:

Hiob 39:10

Nai pandeh tu leske i shello trujel, te budrell lo tuke ap i hachetikri phub, un tserdell ko saster, hoi i phub pre phagell?

2. Mose 32:21

Pale penas lo ap o Aron: “Hoi kran tuke kol menshe? Hoske anal tu len ap sawo tchilatcho drom!”

Jesaja 10:31

I menshe an o foro Madmena nashenn penge. Kolla kai an o foro Gebim djiwenn, nashenn pengro djipaske.

Jesaja 36:2

Un o baro rai dran o them Assur bitchras jekes leskre pralstunendar bud lurdentsa dran o foro Lakish pash o baro rajeste Hiskija an o foro Jerusalem. Un o pralstuno atchas tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

Jesaja 37:8

An ko tsiro his o baro rai pral o them Assur buder gar an o foro Lakish. Job djas dureder an o kurepen o foreha Libna. Har leskro pralstuno, koles job pash o Hiskija bitchras, kowa shunas, djas lo kote pale.

Jeremia 3:8

har me lakri phenjat, i Israel, krik bitchrom koleske, kai das li pes wawar murshentsa trujel, un dom lat i liil, kai tchinlo hi, te bitchrom lat krik. Kowa kras i chocheni Judake kek daar. Joi djas koi un das pes ninna trujel wawar murshentsa.

Jeremia 34:7

An ko tsiro his i lurde o rajestar dran o them Babilonia tardo trul o foro Jerusalem un trul i forja Lakish un Aseka; kokres kal forja Lakish un Aseka his gomme gar dren lino kol tsele sorele forjendar an o them Juda.

Jeremia 4:29

Dran kol tsele forja nashenn le penge glan koi gole kol lurdendar, kai klissenn ap i graja, un kolendar, kai denn karje, un nashenn an pesse wesha un khatrenn pen mashkral i barra. Hako foro well muklo tchiddo. Kek djiwell buder koi dren.

Ezekiel 23:11

Lakri pheen, i Oholiba, dikas kowa. Ninna te dikas li har lakri phenjake djas, nashas li gomme budeder murshende palla, un lubras djungleder trujel har lakri pheen.

Micha 1:5

Kowa halauter well dran o tchilatchepen, hoi o Jakobeskre tchawe kran. O kheer Israel djas peskro Debleskro dromestar tele. Koon anas i Israelitarja jaake dur, te mukan le pengro Debleskro drom? Kowa his o foro Samaria! Koon anas o kheer Juda jaake dur, te mangan le wawar deblen an? Kowa his o foro Jerusalem!

Josua 10:3

Un o Adoni-Zedek, ko rai pral Jerusalem, bitchras murshen pash i bare rajende pral star wawar forja: pash o Hoham, ko rai pral Hebron, un pash o Piram, ko rai pral Jarmut, un pash o Jafia, ko rai pral Lakish, un pash o Debir, ko rai pral Eglon. Un job mukas lenge te penell:

Josua 15:39

Lakish, Bozkat, Eglon,

Debleskro tsiro 2:14

I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.