Mateo 8:4 - O Debleskro Drom 2021 (Sinte)

⁴ Un o Jesus penas ap leste: “Shun, pen kekeske, hoi me tuke krom! Dja an o Debleskro baro kheer pash o rashajeste un sike leste, kai tiro nasslepen tutar djas! Un an kowa glan o Debleste, hoi o Mose penas, te djinenn i menshe, kai tu sasto wal.”

O Debleskro Lab 2024 (Sinte-Manouche)

⁴ Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Mateo 8:4 Iomraidhean Croise

Jesaja 42:21

O baro Dewel hi o tchatchepaskro. Doleske his leske shukar, te sikrell lo, har baro un railo leskre tchatchepaskre laba hi.

Mateo 10:18

Tumer patsenn ap mande. Doleske anenn le tumen glan i pralstunende un glan i bare rajende, te rakrenn jon i phagi win pral tumende. Kowa well ap tumende, te rakrenn tumer mandar glan lende un glan kolende, kai o Debles gar prindjrenna.

Mateo 16:20

Pal kowa penas lo peskre malenge, te penenn le kekeske, te hi lo ko baro rai, kolestar o Dewel penas, te well job.

Mateo 17:9

Un o Jesus djas lentsa koi berga tele, un penas soreles ap lende: “Penenn kekeske, hoi tumer dikan, jaake rah har o Mensheskro Tchawo gar i mulendar pre stas!”

Mateo 3:15

Koi penas o Jesus ap leste: “Muk kowa kanna jaake te well! Hi mishto menge, te kras kowa lauter, hoi o Dewel mendar kamella.” Un o Johanni kras, hoi o Jesus leske penas,

Mateo 5:17

Haiwenn man mishto: Me wom gar, te tchiwap kol laba ap i rig, hoi o Mose un o Debleskre rakepangre penan. Na-a! Ko krau me gar. Me wom, te krap kowa, hoi jon penan.

Mateo 6:1

Denn jak, har krenn tumer latcho koowa! Ma krenn les jaake, te dikenn i menshe kowa un sharenn tumen! Koon tumendar kowa krella, koles dell tumaro dad an o bolepen kek latchepen pale.

Mateo 9:30

Un jon nai dikan. Un o Jesus penas soreles ap lende: “Te shunell kowa kek!”

Markus 13:9

Denn jak ap tumende! Tumer wenn glan i tchatchepangre anlo, un chan dawa an i biboldengre kangria. Tumer patsenn ap mande. Doleske anenn le tumen glan i pralstune un glan i bare rajende, te rakrenn jon i phagi win pral tumende. Te han glan lende tardo, palle nai rakrenn tumer mandar, te shunenn jon pral mande o tchatchepen.

Markus 3:12

Un job penas soreles ap lende, te penenn le kowa kekeske.

Markus 5:43

Un job penas lenge soreles: “Ma penenn kowa kekeske!” Un palle penas lo: “Denn lat te chal!”

Markus 6:11

Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Markus 7:36

Un o Jesus penas kolenge, kai kote his, te penenn le kekeske, hoi job kras. Budeder te penas job, te penenn le tchi i menshenge, budeder rakran jon koi pral.

Markus 8:30

Un job das len trad, te penenn le kowa kekeske.

Markus 9:9

Har jon pale i berga tele djan, penas o Jesus lenge soreles, te penenn le kekeske, hoi jon dikan, jaake rah har o Mensheskro Tchawo gar i mulendar pre stas.

Louka 17:14

Un o Jesus dikas len, un penas ap lende: “Djan pash o rashajeste, un sikrenn tumen glan leste!” Un har jon djan, wan jon ap o drom sasto.

Louka 21:13

Jon te krenn kowa lauter tumentsa, palle rakrenn nai mandar.

Louka 4:41

Un dran bud menshende, kai his benga an lende, djan i benga win. Un har jon win wan, dan le gole: “Tu hal o Debleskro tchawo.” Un o Jesus das len trad, un mukas len gar te rakrell. I benga djinan, kai job ko baro rai hi, kolestar o Dewel penas, te well job.

Louka 5:14

Un o Jesus penas leske: “De jak, te peness kekeske, hoi me tuke krom! Dja pash o rashajeste un sike leste, kai tiro nasslepen tutar djas. Un an kowa glan o Debleste, hoi o Mose penas, te djinenn i menshe, kai tu sasto wal!”

Louka 8:56

Lakro dad un lakri dai kran bare jaka pral kowa, hoi koi djas. Un o Jesus penas lenge, te penenn le kekeske, hoi job kras.

Louka 9:21

Koi penas lo lenge, te penenn le kowa kekeske.

Johanni 5:41

Hi mange tchi moldo, te wap sharedo i menshendar.

Johanni 7:18

Koon pral peste mishto rakrella, kowa kamella, te well job sharedo. Koon kamella, te well kowa sharedo, kai bitchras les, kowa hi tchatcho. Un an leste hi kek tchilatchepen.

Johanni 8:50

Me kamau gar, te sharenn man i menshe. Kowa hi o Dewel, kai kamella, te wap me sharedo. Job rakrell i phagi pral tumende win.