Mateo 8:3 - O Debleskro Drom 2021 (Sinte)

³ Un o Jesus tchiwas peskro wast ap leste, un penas: “Me kamau, te wess sasto.” Un ap jek kopo djas ko nasslepen lestar.

O Debleskro Lab 2024 (Sinte-Manouche)

³ Oun o Yezous čivas peskro vast ap leste, oun penas: “Me kamau, te vess sasto.” Oun ap yek kopo djas ko nasslepen lestar.

Mateo 8:3 Iomraidhean Croise

1. Mose 1:3

Un o Dewel penas: “Mu well diwes!” Koi was diwes.

2. Rajengro liil 5:11

Koi was o Naaman chojedo, djas krik un penas: “Me penom mange: Job well win glan mande un dell peskro baro Debles an-gole, un hadell peskro wast pral miro nasselo mass. Un jaake lell lo o nasslepen mandar krik.

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

Debleskri gili 33:9

Job te rakrell, palle well, hoi job penas, jaake har lo kowa penas, jaake hi kowa koi tardo.

2. Mose 4:7

Un o baro Dewel penas ap leste: “Tchip tiro wast pale tel i plaashka!” Un job tchiwas peskro wast pale tel i plaashka! Un har las lo les pale win, his o wast pale sasto.

Mateo 12:13

Un ap ko mursheste penas lo: “Hade tiro wast pre!” Un job hadas peskro wast pre. Un leskro wast was sasto, har ko wawar wast.

Markus 1:41

Un o Jesuses khaitas kowa, un job tchiwas peskro wast ap leste, un penas ap leste: “Me kamau, te wess sasto.”

Markus 4:39

Un job stas pre, un das ko sorelo ducho trad, un penas ap ko baro pani: “Atch! Muk tele!” Un ko sorelo ducho phurdas buder gar, un o baro pani das buder kek gole.

Markus 5:41

Un job tapras kol tchat pash o wast, un penas ap late an peskro rakepen: “Talita kumi!” Kowa kharella: Tchai, me penau tuke, ste pre!

Markus 7:34

Palle dikas lo pre ap o bolepen, las i baro ducho, un penas ap leste: Effata! Kowa kharella: Kre tut pre!

Markus 9:25

Un o Jesus dikas, kai nashan bud menshe pash leste khetne. Koi das lo ko benges trad, un penas ap leste: “Tu beng, kai rakreh un shuneh nashte gar, me penau tuke: Dja win lestar, un dja buder gar an leste dren!”

Louka 4:27

Dikenn ninna ap ko tsiro, kai o Debleskro rakepaskro, o Elisa, djiwas. An ko tsiro his bud menshen an o them Israel i djungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras job sasto.”

Louka 5:13

Un o Jesus tchiwas peskro wast ap leste, un penas: “Me kamau, te wess sasto.” Un ap jek kopo djas o nasslepen lestar.

Louka 7:14

Un job djas pash o mochton, un tchiwas peskro wast ap leste. Un kolla, kai o mochton hidjran, atchan tardo. Un job penas: “Terno mursh, me penau tuke: Ste pre!”

Johanni 11:43

Har job kowa penas, das lo soreles gole: “Lazaro, am win!”

Johanni 15:24

Te kroms me gar glan lengre jaka ko baro koowa, hoi nai kek wawar kras, wals len kek doosh. Kanna dikan jon kowa. Un ninna te dikan le les, hi le tchilatcho ap mande un ap miro dadeste.

Johanni 5:21

Har o dad i mulen pre djangrella, un dell len o newo djipen, jaake nai dell ninna o tchawo o newo djipen, kones job kamella.