Mateo 6:3 - O Debleskro Drom 2021 (Sinte)

^3-4 Tu te deh i tchorweles lowe, palle kre les tchorchanes, te djinell les kek! Muk tiro serwo wast gar te djinell, hoi tiro tchatcho wast kras! O Dewel, kai hi tiro dad an o bolepen, dikell ninna kowa, hoi tu tchorchanes kral. Un job dell tut ko latchepen pale, hoi tu kral.

O Debleskro Lab 2024 (Sinte-Manouche)

^3-4 Tou te deh i čorveles love, palle kre les čorrhanes, te djinell les kek! Mouk tiro servo vast gar te djinell, hoy tiro čačo vast kras! O Devel, kay hi tiro dad an o bolepen, dikell ninna kova, hoy tou čorrhanes kral. Oun yob dell tout ko lačepen pale, hoy tou kral.

Mateo 6:3 Iomraidhean Croise

Mateo 12:19

Job tchingrell pes gar, un dell gar bari gole. Un job krell kek baro rakepen ap o drom.

Mateo 6:2

Tu te deh i tchorweles lowe, palle ma pen kowa hakeneske! Ma kre har kolla, kai hi len dui djia, un penenn an i biboldengre kangria un ap o drom, hawo latchepen jon kran, te wenn le i menshendar sharedo. Tchatchepah, me penau tumenge: Kolla lenna buder tchi o Deblestar. Jon anan pengro latchepen kokres dren.

Mateo 8:4

Un o Jesus penas ap leste: “Shun, pen kekeske, hoi me tuke krom! Dja an o Debleskro baro kheer pash o rashajeste un sike leste, kai tiro nasslepen tutar djas! Un an kowa glan o Debleste, hoi o Mose penas, te djinenn i menshe, kai tu sasto wal.”

Mateo 9:30

Un jon nai dikan. Un o Jesus penas soreles ap lende: “Te shunell kowa kek!”

Markus 1:44

“Shun, pen kekeske, hoi me krom tuke! Dja pash o rashajeste un sike leste, kai tu sasto wal! Un an kowa glan o Debleste, hoi o Mose penas, te wess erligo kerdo. Kre kowa, te djinenn i menshe, kai tu sasto wal.”

Johanni 7:4

Kek mensho khatrell pes, te kamell lo i menshen te sikrell, hoi job nai krella. Te kreh tu sawo baro koowa, palle muk kowa i tsele menshen te dikell!”