Mateo 4:7 - O Debleskro Drom 2021 (Sinte)

⁷ Penas o Jesus: “Ninna hi an o Debleskro lab tchinlo: Rike o Debles gar dineleske, te sikrell lo tut har sorelo job hi.”

O Debleskro Lab 2024 (Sinte-Manouche)

⁷ Penas o Yezous: “Ninna hi an o Debleskro lab činlo: Rike o Debles gar dineleske, te sikrell lo tout har zorelo yob hi.”

Mateo 4:7 Iomraidhean Croise

Debleskri gili 106:14

An o mulo them lan le bok pal o mass, un patsan gar, te nai dell o baro Dewel len lauter, hoi len hunte well djipaske.

Debleskri gili 78:18

An pengre djia patsan le gar, te nai dals len o Dewel ko chapen, pal kowa len bok his.

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

Debleskri gili 78:56

Kolla hadan pen pale te pale ap o Debleste, ko pralstuneste, un kaman gar ap leste te shunell, un rikran gar leskre laba.

Debleskri gili 95:9

Fothe dikan le lauter, hoi lenge krom, patsan le gar, te hom me, o Dewel, mank lende, un nai dau len lauter, hoi len hunte well djipaske.

2. Mose 17:2

Un jon tchingran ap o Moseste un penan: “De men pani te pijell!” Un o Mose penas: “Hoske tchingrenn tumer ap mande? Hoske patsenn gar, te hi o baro Dewel pash mende un dell men kowa, hoi men hunte wals?”

2. Mose 17:7

Koi platsa, kai i menshe tchingran ap leste un kai jon gar patsan, te hi o baro Dewel pash lende un dell len kowa, hoi len hunte well, koi platsa das o Mose i laba ‘Massa’ un ‘Meriba’.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Maleachi 3:15

Doleske sharas mer kolen, kai phurdenn pen pre pral o baro Debleste. Kol tchilatchenge djal mishto. Ninna te krenn le, hoi o Dewel gar kamell, krell lo lenge tchi. Kek bibacht well pral lende.’

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

Mateo 21:16

un penan ap leste: “Shuneh tu, hoi kol tchawe kote penenna?” “Awa,” penas o Jesus ap lende, “me shunau len. Djinenn tumer gar, hoi an o Debleskro lab tchinlo hi: Tu, o Dewel, kral, te sharenn tut i tchawe un i terne.”

Mateo 21:42

Penas o Jesus ap lende: “Djinenn tumer gar, hoi an o Debleskro lab tchinlo hi? Kote hi tchinlo: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne. O Dewel kras kowa, un kowa hi i baro koowa menge.

Mateo 4:10

Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Mateo 4:4

Penas o Jesus: “An o Debleskro lab hi tchinlo: O maro kokres rikrell i menshes gar djido. Job djiwell dran hako lab, hoi o Dewel rakrella.”

Louka 4:12

Koi penas o Jesus ap o bengeste: “O Debleskro lab penella: Rike o Debles gar dineleske, te sikrell lo tut, har sorelo job hi!”

Bičepangre 15:10

Kamenn tumer, te well o Dewel chojedo ap tumende? Ma tchiwenn pharo koowa ap lende, kai nai hidjran mare phure gar, un mer witar gar!

Bičepangre 5:9

O Petro penas ap late: “Hoske kran tumer kowa win, un chochran o Debles? Kol mursha, kai paskran tiro romes, hi glan o wudar tardo, un hidjrenn ninna tut win.”

1. Korintarja 10:9

Ma choirenn o Jesus Kristes, har kolla an o phuro tsiro o Debles choiran, har kran le, har te wals les kek soor. Un i sapa dandran len. Un jon meran.

5. Mose 6:16

Ma krenn jaake, har te wals o baro Dewel gar pash tumende un dals tumen gar kowa, hoi tumen hunte well djipaske, jaake har kowa kran, har hans an o foro Massa!

Hebrearja 3:9

Ninna te dikan le star-deesh bersha, hoi me, o Dewel, lenge krom, patsan le man gar, un mire laba his lenge tchi moldo.