Mateo 4:5 - O Debleskro Drom 2021 (Sinte)

⁵ Pal kowa anas les o beng an o Debleskro foro. Kowa hi o foro Jerusalem. Un o beng tchiwas les ap o Debleskro baro kheer pral pre,

O Debleskro Lab 2024 (Sinte-Manouche)

⁵ Pal kova anas les o beng an o Debleskro foro. Kova hi o foro Yerusalem. Oun o beng čivas les ap o Debleskro baro kheer pral pre,

Mateo 4:5 Iomraidhean Croise

2. Familjakro liil 3:4

Un koi glanstuni halla glan o kheer his jaake buchlo har ko kheer, deesh metarja, un 60 (shob-deesh) metarja fun tel bis pral. Un kai bari halla was dren latcho sonakajeha pral-maklo.

Nehemia 11:1

Un i pralstune pral i Israelitarja djiwan an o foro Jerusalem. Un i tsele wawar familje witsran kashta, te rodenn le jek familja dran deesh win. Un kolla te djan ninna an o Debleskro foro Jerusalem, te djiwenn le koi. Un kol enja wawar familje atchan an i wawar gaba un forja.

Nehemia 11:18

I tsele Levitarja an o Debleskro foro his 284 (dui-sheel-te-ochta-deesh-te-star).

Jesaja 48:2

Tumer kharenn tumen pal o Debleskro foro, un rikrenn tumen ap o Debleste pral o Israel. Leskro lab hi ‘baro Dewel, rai pral o bolepen un i phub’.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

Daniel 9:16

Ach, maro rai, kre pal tiro tselo tchatchepen! Un muk tiri choli pale te djal! Ab buder gar chojedo ap tiro foro Jerusalem un ap koi berga, kai tu djiwal. Mer un mare phure anam doosh ap mende un kram tchilatcho koowa. Un kolla lauter, kai djiwenn trul mende, praassenn doleske tiro fores Jerusalem un tire menshen.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Mateo 27:53

un djan dran pengre mulengre khera win. Pal kowa, har o Jesus ninna i mulendar djido was, djan le an o Debleskro foro Jerusalem. Un bud menshe dikan len kote.

Louka 4:9

Pal kowa anas les o beng an o foro Jerusalem, un tchiwas les ap o Debleskro baro kheer pral pre, un penas ap leste: “Te hal tu o Debleskro tchawo, muk tut tele te perell!

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.