Mateo 3:8 - O Debleskro Drom 2021 (Sinte)

⁸ Sikrenn i menshende, te djan tumer ap o Debleskro drom un buder gar ap o tchilatcho drom!

O Debleskro Lab 2024 (Sinte-Manouche)

⁸ Sikrenn i menshende, te djan t'mer ap o Debleskro drom oun bouder gar ap o čilačo drom!

Mateo 3:8 Iomraidhean Croise

Jeremia 26:13

Kanna mukenn tumaro tchilatcho drom un o tchilatcho koowa, hoi krenna. Un shunenn ap tumaro baro Debleste! Palle rikrell lo pes pale un anell gar koi bibacht pral tumende, kolatar job rakras.

Jeremia 36:3

Te shunenn i menshe dran Juda, hawi bibacht kamau pral lende te anell, nai well, te mukenn le pengro tchilatcho drom un wenn pale pash mande, te nai lap lengri doosh un lengro tchilatchepen lendar krik.

Mateo 21:32

Har o Johanni pash tumende was, te sikrell lo tumende o tchatcho drom, patsan tumer leske gar. I pale-tchidde un i lubja patsan ap leskre laba. Ninna har tumer dikan, te patsan kolla ap leskre laba, mukan tumer gar tumaro tchilatcho drom un patsan leske witar gar.”

Louka 3:8

Sikrenn i menshende, te djan tumer ap o Debleskro drom, un buder gar ap o tchilatcho drom! Ma penenn, kai o Abraham tumaro dad hi! Kowa anell tumen gar dureder. Me penau tumenge: O Dewel nai krell dran kal barra o Abrahameskre tchawen.

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.