Mateo 3:6 - O Debleskro Drom 2021 (Sinte)

⁶ Un jon penan glan i menshende hawo tchilatcho koowa jon kran, un mukan pen lestar an o pani Jordan te taufrell.

O Debleskro Lab 2024 (Sinte-Manouche)

⁶ Oun yon penan glan i menshende havo čilačo koova yon kran, oun moukan pen lestar an o pani Yordan te taufrell.

Mateo 3:6 Iomraidhean Croise

Esra 10:1

Un har o Esra glan o Debleskro kheer ap peskre tchanga tchiddo his, un ropah o Debleha rakras un koi tseli doosh win rakras, wan bud menshe dran Israel trul leste trujel, mursha, djuwja un tchawe; un jon halauter rowan soreles.

Debleskri gili 32:5

Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Daniel 9:4

Un me rakrom ap miro baro Debleste un mangom man tele, un penom: Ach, miro rai, tu hal o baro Dewel un mer sharah tut. Tu rikreh tiro lab, hoi kolenge dal, kai kamenn tut o djijestar un rikrenn tire laba. Un hal lenge latches.

3. Mose 16:21

un tchiwell peskre dui wasta ap lakro shero, un penell haki doosh un hako tchilatchepen, hoi i Israelitarja kran. Jaake tchiwell lo kowa lauter ap i busjakro shero. Palle mukell lo lat i murshestar, kai koleske koi tardo hi, krik te tradell an o mulo tato them.

3. Mose 26:40

Palle penenn jon, te his lengri doosh un i doosh lengre phurendar, te rikran le gar ap mande un sikran mange o dumo.

4. Mose 5:7

Un job hunte penell o tchilatcho koowa, hoi job kras, un krell kowa pale mishto, un dell ko pantchto kotar koi pashel, ap koleste job o tchilatchepen kras.

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Markus 1:5

Un bud menshe djan pash leste. Jon wan dran o tselo them Judea un dran o foro Jerusalem. Un jon penan o tchilatcho koowa, hoi jon kran. Un o Johanni taufras len an o pani Jordan.

Louka 1:16

Un job anell bud menshen an Israel pash o Debleste.

Louka 3:16

Koi penas o Johanni ap lauterende: “Me tchiwau tumen an o pani. Jek wella, kowa hi sorleder har me. Me hom gar moldo, te krap leskre kircha pre. Job tchiwell o Debleskro Ducho ap tumende, un krell tumen djudjo, har i jag o saster djudjo krella.

Bičepangre 1:5

Har o Johanni taufras tumen, tchiwas lo tumen an o pani. O Dewel tchiwell o Debleskro Ducho ap tumende. Un o tsiro well sik, kai kowa wella.”

Bičepangre 11:16

Koi djan kol laba an miro shero trujel, hoi menge maro rai Jesus penas: O Johanni tchiwas i menshen an o pani. Ap tumende tchiwell o Dewel peskro Debleskro Ducho.

Bičepangre 19:18

Wan ninna bud kolendar, kai patslo wan, un penan glan i menshende, hoi jon tchilatches kran.

Bičepangre 22:16

Un kanna ste pre! De leskro lab an-gole! Un muk tut te taufrell, un tiri doosh tele te thowell!”

Kolossarja 2:12

Har wan tumer taufedo, was tumaro phuro djipen paskedo. Un jaake wan tumer o Jesus Kristeha paskedo. Har tumer ap leste patsan, kras o Dewel tumen djido, jaake har job o Jesus Kristes i mulendar djido kras.

Hebrearja 6:2

Ninna was tumenge penlo, te mukenn tumen te taufrell, un hoske i patslo peskre wasta ap i wawareste tchiwella. Tumenge was ninna penlo, te krell o Dewel i mulen djido, un te rakrell lo o tchatchepen pral lende win. Kowa, hoi job len dell, – o djipen har i phagi, – kowa atchell hako tsiro ap lende.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

Josua 7:19

Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

1. Johanni 1:9

Mer te mangah men tele glan o Debleste, un penah leske, hawi doosh mer ap mende lam, palle krell lo, hoi job penas un lell i doosh mendar krik. Job hi latcho un tchatcho un thowell o tselo tchilatchepen mendar tele.