Mateo 3:5 - O Debleskro Drom 2021 (Sinte)

⁵ Un bud menshe djan pash leste. Kolla wan dran o foro Jerusalem un dran o tselo them Judea un dran o them pash o pani Jordan.

O Debleskro Lab 2024 (Sinte-Manouche)

⁵ Oun boud menshe djan pash leste. Kolla van dran o foro Yerusalem oun dran o tselo them Youdea oun dran o them pash o pani Yordan.

Mateo 3:5 Iomraidhean Croise

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Mateo 4:25

Un bud menshe djan leske palla. Jon wan dran o them Galilea, un dran ko them, kai i deesh forja tchiddo hi. Jon wan ninna dran o them Judea, un dran o foro Jerusalem, un dran o them, hoi ap i wawar rig o panjestar Jordan tchiddo hi.

Markus 1:5

Un bud menshe djan pash leste. Jon wan dran o tselo them Judea un dran o foro Jerusalem. Un jon penan o tchilatcho koowa, hoi jon kran. Un o Johanni taufras len an o pani Jordan.

Louka 16:16

An o phuro tsiro rikran pen i menshe ap kowa, hoi o Mose un i Debleskre rakepangre penan. Har was o Johanni, was o Debleskro newo tsiro. Kanna well i menshenge o latcho lab penlo, te dell o Dewel i menshen pash peste gole, te djiwenn le leha khetne an jek harmenatsjona. Un hakeno kamell sorjah jaake dren te well, har job kamella.

Louka 3:3

Un o Johanni djas an o them pash o pani Jordan trujel, un penas i menshenge: “Mukenn tumaro tchilatcho drom! Un djan ap o Debleskro drom! Un mukenn tumen te taufrell! Un o Dewel lell tumari doosh tumendar krik.”

Louka 3:7

Bud menshe djan pash o Johanneste, te mukan le pen lestar te taufrell. Job penas lenge: “Tumer han sapa! Tumer nai nashenn gar glan o Debleskri choli krik, hoi wella pral i menshende.

Johanni 3:23

Ninna o Johanni taufras i menshen pash o gab Ainon, hoi his pash o foro Salim tchiddo. Koi his bud pani. I menshe wan pash leste, un mukan pen lestar te taufrell.

Johanni 5:35

O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.