Mateo 3:12 - O Debleskro Drom 2021 (Sinte)

¹² Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

O Debleskro Lab 2024 (Sinte-Manouche)

¹² Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

Mateo 3:12 Iomraidhean Croise

Hiob 21:18

un phurdas les krik, har phurdell i ducho o phuss krik, un har hidjrell i sorelo phurdepen o tchik krik.

Debleskri gili 1:4

Jaake hi i tchilatchentsa gar. Jon hi har tchik, hoi i ducho krik phurdell.

Debleskri gili 35:5

Mu tradell len o baro Debleskro bolepaskro krik, jaake te wenn le har phuss, hoi i ducho krik phurdell!

Jesaja 1:31

Un ko mursh, hoi sorelo his har i ruk, well har mulo kasht. Un ko sorelo koowa, hoi lo kras, well har i jag, hoi ko mulo kasht pre chatchell. Jaake djal lauter an i jag pre, un kek nai krell koi jag win.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 27:4

Me hom buder gar chojedo ap leste. Te hatsoms subjengre burra un subjengro senlepen dren, djoms ap lende un chatchroms len halauter pre.

Jesaja 28:28

Well o djob jaake win dino, te djal lo paash? Na-a, kowa well i tikno tsiro dino. Un te ulerell o hacho peskre grajentsa koi pral, krell lo kowa gar jaake rah, te atchell tchi pral.

Jesaja 30:24

Un kol grumja un burike, kai ap i hachetikri phub budrenn, kolla chan latcho chapen dran djoba, hoi khetne lino lenge glan tchiddo was.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jesaja 66:24

Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

Jeremia 15:7

An hako foro an o them Juda krom me i menshentsa jaake har jek, kai witsrell o djob pral, te perell o phuss win. Jaake tradom len kate te kote. Un mire menshe mukan gar pengre tchilatche dromma. Koi marom lengre tchawen, un mukom len tele te djal.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 51:2

Me bitchrau an o them Babilonia wi-themarja, kai tradenn i Babilonarjen win dran pengro them, har i ducho, hoi phurdell o phuss krik, bis te o them djudjo hi. Ap ko tchilatcho diwes wenn le haki rigjatar pral lende.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Hosea 13:3

Doleske hi le har i wolka, hoi taissarlakro sik krik djal, un har ko pani, hoi ap o senlepen hi, un sik buder gar koi hi. Awa, har o phuss hi le, hoi well dran i platsa win phurdedo, kai o djob win dino was, un har i jagakro ducho, hoi tserdell dran i wochni win.

Amos 9:9

Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

Mateo 13:30

Mukenn kowa lauter khetne baro te well, bis te anah mer o djob an o djobeskro kheer! Un ap ko tsiro penau me ap kolende, kai ko djob tchinenna: Anenn o djungelo senlepen khetne, un pandenn les khetne, te chatchrenn les! Un palle anenn o djob khetne, un anenn les an o djobeskro kheer!

Mateo 13:41

O Mensheskro Tchawo bitchrell peskre bolepangren ap i phub. Un jon lenn kolen glan leskre jaka krik, kai kran, hoi o Dewel gar kamella, ninna kolen, kai anan i wawaren ap o tchilatcho drom.

Mateo 13:42

Un i bolepangre witsrenn len an i bobeskri jag. Kote rowenn le, un dandrenn i danda i dukatar khetne.

Mateo 13:43

Palle hi kolla, kai kran, hoi lengro dad an o bolepen kamas, har i bari momeli an leskro railo them. Mukenn kowa an tumaro shero trujel te djal!

Louka 3:16

Koi penas o Johanni ap lauterende: “Me tchiwau tumen an o pani. Jek wella, kowa hi sorleder har me. Me hom gar moldo, te krap leskre kircha pre. Job tchiwell o Debleskro Ducho ap tumende, un krell tumen djudjo, har i jag o saster djudjo krella.

Louka 3:17

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi chatchella hako tsiro.”

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.