Mateo 21:1 - O Debleskro Drom 2021 (Sinte)

¹ Ap o drom an o foro Jerusalem wan le an o gab Betfage, kai pash o djeteskri berga tchiddo hi. Un kote penas o Jesus ap dujende peskre malendar:

O Debleskro Lab 2024 (Sinte-Manouche)

¹ Ap o drom an o foro Yerusalem van le an o gab Betfage, kay pash o djeteskri berga čiddo hi. Oun kote penas o Yezous ap douyende peskre malendar:

Mateo 21:1 Iomraidhean Croise

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

Mateo 20:34

Un o Jesuseske djas kowa phares an o dji. Un job tchiwas peskre wasta ap lengre jaka. Un ap jek kopo dikan le pale. Un jon djan leha.

Mateo 21:2

“Djan an o gab koi wergel! Kote hatsenn tumer i esla pandlo un lakro ternepen pash late. Pandenn len tele, un anenn len pash mande!

Mateo 24:3

Pale djas lo ap i djeteskri berga un beshas pes. Leskre mala kokres his pash leste un putchan lestar: “Ap hawo tsiro well o Debleskro baro kheer tele phagedo? Har nai dikas mer, te was ko tsiro, kai tu pale weh, un o Dewel o rai hi pral halauter?”

Mateo 26:30

Un palle giwan le o Debleske i gili, un djan win pash o djeteskri berga.

Markus 13:3

Un job djas ap o djeteskri berga, hoi hi wergel o Debleskro baro kherestar, un beshas pes kote. Un har jon kokres his, putchan lestar o Petro, un o Jakobo, un o Johanni, un o Andreas:

Markus 14:26

Palle giwan le o Debleske i gili, un djan win pash o djeteskri berga.

Louka 21:37

Hako diwes rakras o Jesus an o Debleskro baro kheer. I rati djas job pash koi berga, hoi kharella djeteskri berga, un atchas koi.

Louka 22:39

Un o Jesus djas pash i djeteskri berga, jaake har job kowa bud kope kras. Un peskre mala djan leha.

Johanni 8:1

O Jesus djas pash o djeteskri berga.

Bičepangre 1:12

Palle djan jon o djeteskri berga tele un pale an o foro Jerusalem. Koi berga his gar dur kau forestar krik.