Mateo 20:2 - O Debleskro Drom 2021 (Sinte)

² Kolentsa kras job win, te dell lo len jek rupeni bema kau diweske. Palle bitchras lo len ap peskro kotar them, te budrenn le leske.

O Debleskro Lab 2024 (Sinte-Manouche)

² Kolentsa kras yob vin, te dell lo len yek roupeni bema kava diveske. Palle bičras lo len ap peskro kotar them, te boudrenn le leske.

Mateo 20:2 Iomraidhean Croise

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

2. Familjakro liil 34:3

Har lo an o ochtato bersh baro rai his, un gomme i terno mursh his, rodas lo ko Debles, koles leskro phuro dad, o David, an-mangas. Un an o 12. (deesh-te-duito) bersh kras lo pes ap i budi, te witsrell lo dran o them Juda un dran o foro Jerusalem kol chochene deblen un figuren krik. Koi pashel his ninna i figure, hoi i debletsa Ashera sikrenn.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Mateo 18:28

Un o mursh djas dran ko kheer win, un tapras i wawar budepaskres ap o drom. Kales his sheel beme sijaan pash leste. Koi tchiwas lo peskre wasta trul koleskri meen, te tassrell lo les, un penas ap leste: De man kanna mire lowe pale!

Mateo 20:1

Un o Jesus penas lenge, har kote hi, kai dell o Dewel menshen pash peste gole, te djan le ap leskro drom. O Dewel hi har i rai, koles his i kotar them, kai drakengre ruka tardo hi. Sik taissarlake djas lo an o foro dren, un rodas peske i budepangren, te budrenn le ap leskro kotar them.

Mateo 20:13

Koi penas ko rai ap jekeste lendar: Miro maal, me chochrom tut gar. Tu kral mantsa win, te budress mange, un te leh jek rupeni bema mandar.

Mateo 20:3

Har enjenge his, djas job pale an o foro, un dikas wawaren, kai his len kek budi.

Mateo 20:9

Koi wan kolla glan leste, kai an i rat wan, un lan jek rupeni bema lestar. Un lauter, kai pal lende wan, lan ninna jek rupeni bema lestar.

Mateo 22:19

Denn man i rupeni bema!” Un jon dan les jek bema.

Mateo 9:37

Un job penas ap peskre malende: “Bud djob hi win tardo, te well lo an o kheer anlo. Jaake hi bud menshe koi, kai kamenn pash o Debleste te well. Un hi gar doha budepangre koi, te anenn le len pash leste.

Markus 12:15

Job haiwas, te rakran le dui tchipjentsa, un penas ap lende: “Hoske kamenn tumer man mire labentsa te taprell? Anenn mange i rupeni bema, te dikap lat!”

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Louka 10:35

O wawar diwes taissarlake das lo dui rupene beme o rajeste an koi kertchima, un penas: De les chapen un pipen! Te hi kol lowe gar doha leske, dau tute budeder, te wau pale.”

Louka 20:24

“Denn man i rupeni bema. Koneskro shero un lab hi ap kai bema?” Penan le: “O shero o baro rajestar an o foro Rom!”

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

Debleskro tsiro 6:6

Un me shunom i rakepen, hoi was mashkral kote win, kai kol star sorele bolepangre tardo hi, un penas: “Jek diwes hunte budrenn le, te ginenn le jek tcharo gib. Un jek diwes hunte budrenn le, te ginenn le triin tchare djob. O djet un i mool atchenna, har jon hi. Kolenge hunte plaissrenn le gar budeder.”

1. Samuel 2:18

Un o Samuel his o baro Debleske koi. Kau tchawo his rido an i rashajeskri laintikri damdira.

1. Samuel 2:26

Un o terno Samuel was phureder, un kowa, hoi lo kras, his mishto glan o baro Debleskre jaka un ninna glan i menshengre jaka.

1. Samuel 3:1

An ko tsiro, har budras o terno Samuel o baro Debleske tel o rashajeste, o Eli, rakras o baro Dewel gar bud kope ap jekeste. His witar gar bud kope, kai dikas jek i Debleskro dikepen.

1. Samuel 3:21

Un o baro Dewel was pale te pale an peskro kheer an Shilo un rakras ap o Samuel. Un o Samuel penas leskre laba ap i Israelitarja.