Mateo 13:3 - O Debleskro Drom 2021 (Sinte)

³ Un o Jesus rakras ap lende bud sawe laba, kai hi i khatedo tchatchepen dren. Un job penas: I hacho djas win, te witsrell lo o tikno djob ap peskro kotar them, te well ko djob bares.

O Debleskro Lab 2024 (Sinte-Manouche)

³ Oun o Yezous rakras ap lende boud save laba, kay hi i khatedo čačepen dren. Oun yob penas: I harho djas vin, te vitsrell lo o tikno djob ap peskro kotar them, te vell ko djob bares.

Mateo 13:3 Iomraidhean Croise

Debleskri gili 49:4

Miro mui rakrell gosewe laba, un dran miro dji well kowa, hoi mishto haiwom.

Debleskri gili 78:2

Me kamau te rakrap i gosewe labentsa pral i phure tsirja.

Ezekiel 17:2

Tu, mensho, pen i menshenge dran o kheer Israel phare laba, un putch lendar, hoi kamenn kolla te penell!

Micha 2:4

An ko tsiro giwenn le i sapaskri gili pral tumende, un krenn tumen palla, har tumer rowenn: “Halauter hi nashedo. Mer ham khetne maredo! Maro them las o Dewel mendar, un das les kolende, kai lan men pandlo.”

Habakuk 2:6

O diwes well, kai giwenn kolla lauter i sapaskri gili pral koleste, kai rikras len tele, un rakrenn laba, kolentsa jon pral leste san. Jon penenna: Djungeles djal tuke, kai leh tuke, hoi gar tiro hi! Har rah kameh jaake dureder te krell, un brawelo te well ko koweha, hoi kolla hunte denn tut, kolen sijaan pash tute hi?

Mateo 13:4

Un i tikne kotja peran ap o drom, un i tchirkle chan len pre.

Mateo 13:53

Un har o Jesus i menshenge kol tsele laba penas, kai i khatedo tchatchepen dren hi, stas lo pre un djas peske.

Mateo 22:1

Un o Jesus rakras pale sawe laba ap lende, kai i khatedo tchatchepen dren hi. Un job penas:

Mateo 24:32

Me kamau te sikrap tumende tchomone. Dikenn ap o faigetikro ruk! Te wenn leskre kashta senelo, un i patria wenn dran lende win, palle djinenn tumer, te well sik o nijal.

Markus 12:1

Un o Jesus penas lenge laba, kai i khatedo tchatchepen dren hi. Un job penas: His i mursh, koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas lo ko kotar phub ap i hachende, te budrenn le kote leske. Un job djas peske an i wawar them.

Markus 12:12

Un jon haiwan, te rakras o Jesus lendar, un kaman les te taprell. Un har trashan le i menshendar, tapran le les gar, un djan krik.

Markus 3:23

Un o Jesus kharas len khetne, un rakras ap lende laba, kai i khatedo tchatchepen dren hi. Un job penas: Har nai tradell o beng o benges win?

Markus 4:13

Palle penas lo ap lende: Te haiwenn tumer kal laba gar, har kamenn tumer kol tsele wawar laba te haiwell?

Markus 4:33

Un o Jesus penas lenge bud sawe laba, kai i khatedo tchatchepen dren hi. Job penas lenge o Debleskro lab jaake, har jon nai haiwan kowa.

Louka 12:41

O Petro penas: “Rai, hi kowa, hoi tu kate peneh, menge kokres? Peneh tu kowa i tsele menshenge?”

Louka 8:10

Penas lo ap lende: “O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. Kowa djinenn i wawar menshe gar. Lenge penau laba, kai o tchatchepen dren khatedo hi. Me rakrau jaake, te dikenn le kowa nai, un haiwenn les gar, un jaake, te shunenn le les nai, un haiwenn les gar.

Johanni 16:25

Kowa penom me tumenge gar an o mui. O diwes wella, kai me rikrau buder tchi pale. Palle rakrau tumentsa miro dadestar jaake, kai haiwenna halauter.