Josua 9:11 - O Debleskro Drom 2021 (Sinte)

¹¹ Un har kowa shunam, penan mare phureder un halauter, hoi an maro them djiwenn, ap mende: ‘Lenn kowa, hoi tumen o djipaske hunte well, tumentsa ap o drom! Un djan kote pash lende un penenn ap lende: Tumare budepangre ham, un krenn mentsa win, te krenn kek kurepen mentsa!’

O Debleskro Lab 2024 (Sinte-Manouche)

¹¹ Oun har kova shounam, penan mare phoureder oun halauter, hoy an maro them djivenn, ap mende: Lenn kova, hoy t'men o djipaske hounte vell, t'mentsa ap o drom! Oun djan kote pash lende oun penenn ap lende: T'mare boudepangre ham, oun krenn mentsa vin, te krenn kek kourepen mentsa!

Josua 9:11 Iomraidhean Croise

1. Mose 43:12

Lenn dui kope jaake bud lowe peha har o ersto kopo. Tumer hunte denn kol lowe pale, kai hatsan an tumare gone. Nashte well jekeskri doosh, hoi job gar djinas.

2. Rajengro liil 10:5

Ko pralstuno pral o Ahabeskro kheer un o moskro un i phureder an o foro un kolla, kai tserdenn o Ahabeskre tchawen baro, kolla bitchran jekes pash o Jehu, un mukan leske te penell: “Mer ham tire budepangre. Mer krah lauter, hoi tu menge peneh. Mer kamah kek wawar baro rai pral mende. Kre, hoi an tire jaka mishto hi!”

Ester 8:17

Un an hako them un an hako foro, kai o baro rajeskro lab was, his bacht un sapen pash i biboldende. Un jon kran baro chapen un wan bachteles khetne. Un bud menshe i wawar menshendar lan daar i biboldendar un wan bibolde.

Louka 9:3

Un job penas lenge: “Te djan tumer ap o drom, ma lenn tchi peha: kek kasht, kek possita, kek maro, kek lowe, witar gar i duito gad!

Josua 1:11

“Djan mashkral i plachtene khera un penenn i menshenge: Lenn chapen un pipen pash tumende o dromeske! An triin diwessa djan tumer pral o pani Jordan an ko them dren, hoi dell tumen o baro Dewel, kai tumaro Dewel hi, te well ko them tumaro!”

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

Josua 9:12

Dikenn, kate hi maro maro, hoi o dromeske his. Ap ko diwes, har les mentsa lam dran mare khera, his lo gomme tato. Dikenn, hoi lestar was, – phuro hi lo un har bar.

Josua 9:8

Un jon penan ap o Josua: “Tire budepangre ham mer!” Un o Josua putchas: “Koon han tumer? Dran hawo them wenn tumer?”