Josua 8:4 - O Debleskro Drom 2021 (Sinte)

⁴ Un penas lenge: “Khatrenn tumen pal o foro, te nai perenn lenge an o dumo! Ma djan gar dur o forestar krik, jaake te wenn nai hako tsiro win!

O Debleskro Lab 2024 (Sinte-Manouche)

⁴ Oun penas lenge: “Khatrenn t'men pal o foro, te nay perenn lenge an o doumo! Ma djan gar dour o forestar krik, yaake te venn nay hako tsiro vin!

Josua 8:4 Iomraidhean Croise

2. Rajengro liil 7:12

Un o baro rai stas an i rati pre un penas ap kol pralstunende, kai trul leste hi: “Kamau tumenge te penell, hoi kol Syrarja mentsa krenna. Jon djinenn, kai bokah. Doleske mukan le pengri platsa un khatran pen ap i kotar them, un penan penge: Te wenn i Israelitarja win dran o foro, taprah len djides, un djah an o foro dren.”

2. Familjakro liil 13:13

Un o Jerobeam bitchras peskre lurdendar an i khatepen pal i lurdende dran Juda, te nai perenn le lenge an o dumo. Jaake his le glan kolende dran Juda tardo un ninna pal lende.

Sikepaskro 7:19

Leskro goswepen krell o gosewes sorleder har deesh sorele pralstune, kai an o foro garda denna.

Sikepaskro 9:16

Kote penom mange: Ninna te hi o goswepen feteder har o sorlepen, well o tchorweleskro goswepen gar an-diklo, un ap leskre laba well gar shunlo.

Bičepangre 23:21

Tu patsess len gar. Budeder har star-deesh mursha lurenn ap leste ap o drom. Kolla dan pen sowel, te chan le tchi, te pijenn le tchi, bis te maran le les. Jon hi koi khatedo te nai marenn le les jaake sik, har tu mukeh les win te anell.”

Josua 8:16

Kote wan i tsele mursha, hoi an o foro his, khetne gole, te lenn le len palla. Un jon lan o Josua palla, un wan o forestar tele tchinlo.

Josua 8:3

Kote kras pes o Josua un i tsele lurde ap o drom, te djan le pre pash o foro Ai. Un o Josua rodas 30.000 (trijanda-serja) tchatche kurepangre win, un bitchras len an i rat koi.

Čačepangre 20:29

Un i Israelendar khatran pen mursha tchorchanes trul o tselo foro Gibea te perenn le lenge an o dumo.

Čačepangre 20:33

Pash o foro Baal-Tamar atchan i Israelitarja tardo un tchiwan pen newes pre o marepaske. Un kol Israelitarja, kai khatran pen trul o foro, wan win dran pengro khatepen pash Geba,

Čačepangre 20:36

Un kote hunte dikan i Benjaminarja, te hi le dino. Kau tselo koowa was jaake: I lurde dran Israel tserdan pen pale, har patsan le, te krenn kanna kol mursha pengro koowa, kai khatemen trul o foro Gibea hi.

Čačepangre 9:25

Un kolla, kai an o foro Sichem djiwan, tchiwan pen khatemen pash i dromma ap i berge, un peran pral hakeneste, koon koi djal, un tchoran les win. Un kowa was o Abimelecheske penlo.

Čačepangre 9:32

Doleske ab an i rat, tu un tire tsele kurepangre, un tchip tut pash o foro khatemen.

1. Samuel 15:2

Kowa penell o baro Dewel, ko rai pral o bolepen un i phub: ‘Me bistrom gar, hoi i Amalekarja i Israelenge kran, har jon pen lenge an o drom tchiwan, har o Israel dran o them Egiptia win djas.

1. Samuel 15:5

Un o Saul djas lentsa pash o foro, kai i Amalekarja djiwenn. Kote tchiwas lo peskre lurden khatedo an i tala, te perenn jon i murshenge dran o foro an o dumo.