Josua 8:2 - O Debleskro Drom 2021 (Sinte)

² Un tu kress ko foreha Ai un leskro baro rajeha jaake har tu kowa o foreha Jericho un leskro baro rajeha kral. Kokres lengro koowa un lengre viechen rikrenn tumenge! Kanna tchiwess murshen khatemen pal o foro, kai lenge palle an o dumo perenn!”

O Debleskro Lab 2024 (Sinte-Manouche)

² Oun tou kress ko foreha Ai oun leskro baro rayeha yaake har tou kova o foreha Yericho oun leskro baro rayeha kral. Kokres lengro koova oun lengre firhen rikrenn t'menge! Kanna čivess morshen khatemen pal o foro, kay lenge palle an o doumo perenn!”

Josua 8:2 Iomraidhean Croise

2. Familjakro liil 13:13

Un o Jerobeam bitchras peskre lurdendar an i khatepen pal i lurdende dran Juda, te nai perenn le lenge an o dumo. Jaake his le glan kolende dran Juda tardo un ninna pal lende.

2. Familjakro liil 20:22

Un har jon giwan un pen parkran, kras o baro Dewel, te lan kol wawar lurde bari daar, kol Ammonarja, Moabarja un kolla dran i berge Seir, kai wan, te kurenn len pen i menshentsa dran Juda. Un jon dan pen jek o wawares temerl.

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Gosewe laba 13:22

Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

Gosewe laba 28:20

I murshes o labestar hi bacht an bud koowa. Kowa, kai kamell sik braweles te well, anell ninna doosh ap peste.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Jeremia 51:12

Hadenn o kurepaskri plachta pre, te sikrenn, kai djan tumer an o kurepen o foreha Babilon. Tchiwenn bud kurepangren trul o foro! Tchiwenn ninna kol lurden kote koi, kai garda denn! Tchiwenn ninna lurden khatemen pal o foro, te nai perenn le i Babilonarjen an o dumo. O baro Dewel krell, hoi job pes glan las, un hoi lo pral i menshende an o foro Babilon rakras.

5. Mose 2:35

Kokres lengre viechen randam lendar, un tchoram lengre forja win, hoi dren lam.

5. Mose 20:14

I djuwja un i tchawe un i tsele vieche un halauter, hoi tumer dran o foro randan, kowa rikrenn tumenge! Un tumer nai chan ko tselo chapen, hoi his kolen, kai kaman tumen gar. Tumaro baro Dewel das les tumenge.

5. Mose 3:2

Un o baro Dewel penas ap mande: “Ma dare lestar, me dom les un leskre tsele lurden un leskro them an tiro wast. Kre leha har kowa o Sihoneha kral, ko baro rajeha pral i Amorarja, kai an o foro Heshbon djiwas.”

Josua 10:1

Un o baro rai pral o foro Jerusalem, o Adoni-Zedek, shunas, te las o Josua o foro Ai dren, un das lauteren mulo, kai kote djiwan. Ninna was leske penlo, te kras o Josua ko foreha Ai un leskro baro rajeha jaake, har lo ninna o foreha Jericho un leskro baro rajeha kras. Ninna shunas lo, te kran kolla, kai an o foro Gibeon djiwenn, i Israelentsa win, te well kek kurepen mashkral lende dujende, un te djiwenn le mashkral lende.

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 11:14

Un o kutch koowa, hoi an kol forja his, ninna i tsele vieche tchoran penge i Israelitarja. I tsele menshe dan le o chareha mulo un mukan kekes lendar djido.

Josua 6:21

Un jon dan lauteren i chareha mulo: i tsele murshen, djuwjen, terne un phure, grumja, bakre un burike.

Josua 8:12

Jaake pantch serja murshen bitchras o Josua ap koi rig o forestar Ai, kai o kham tele djal, mank kol forja Ai un Betel, te khatrenn le pen kote, te perenn le palle i murshenge dran o foro Ai an o dumo.

Josua 8:14

Un har kowa o baro rai pral o foro Ai dikas, djas lo peskre tsele lurdentsa sik win dran o foro, te kurenn le pen i Israelentsa kote, kai tapran le len o wawar kopo, ap ko drom pash o pani Jordan. Job djinas gar, te his ninna Israelitarja khatemen ap i wawar rig o forestar.

Josua 8:19

Un kolla, hoi khatemen tchiddo his, dikan, har job peskro charo pre hadas, un wan sik dran lengro khatepen win, un nashan an o foro un lan les dren un chatchran les sik tele.

Josua 8:24

Un har i Israelitarja i tsele murshen o chareha maran, kai lenge dran o foro Ai palla nashan an o diwjo them, koi rissran i Israelitarja trujel un djan an o foro Ai un dan kote hakenes mulo o chareha.

Josua 8:3

Kote kras pes o Josua un i tsele lurde ap o drom, te djan le pre pash o foro Ai. Un o Josua rodas 30.000 (trijanda-serja) tchatche kurepangre win, un bitchras len an i rat koi.

Josua 8:7

Un ap ko tsiro, kai mer lendar nashah, wenn tumer dran tumaro khatepen win, un lenn o foro dren. O baro Dewel hi tumaro Dewel un dell tumen o foro an o wast.

Josua 8:8

Un te lan tumer o foro dren, palle chatchrenn les pre, jaake har o baro Dewel kowa penas. Denn jak, te krenn, hoi penom tumenge!”

Josua 8:9

Un jaake har o Josua lenge penas, djan le koi un khatran pen ap koi rig o forestar Ai, kai o kham tele djal, mank Ai un o foro Betel. Un o Josua atchas an koi rat pash i wawar lurdende.

Josua 9:3

Har shunan i menshe, kai an o foro Gibeon djiwenn, hoi o Josua kolentsa kras, kai an i forja Jericho un Ai djiwan,