Josua 7:9 - O Debleskro Drom 2021 (Sinte)

⁹ I Kanaanitarja un halauter, kai an kau them djiwenn, kolenge penenn le kowa. Un hakeno shunell kowa! Un palle wenn le un denn men mulo. Hoi kameh tu palle te krell, te atchell tiro lab baro?”

O Debleskro Lab 2024 (Sinte-Manouche)

⁹ I Kanaanitarya oun halauter, kay an kava them djivenn, kolenge penenn le kova. Oun hakeno shounell kova! Oun palle venn le oun denn men moulo. Hoy kameh tou palle te krell, te ačell tiro lab baro?”

Josua 7:9 Iomraidhean Croise

Debleskri gili 115:1

Tu kokres, baro Dewel, wess sharedo! Tu hunte wess sharedo, gar mer! Tu hal kowa, kai latcho hi un hako tsiro peskro lab rikrell.

Debleskri gili 48:10

Maro Dewel, kate an tiro kheer mukah menge tiro latchepen an o shero trujel te djal.

Debleskri gili 79:9

Ab ap mari rig, maro Dewel! un le men win! Le men win dran lengre wasta, te well tiro lab hadedo! Un le mari doosh mendar krik, te well tiro lab pale baro!

Debleskri gili 83:4

Jon tchiwenn pen khetne un rakrenn, har nai krenn le tire menshenge tchilatchepen. Pal o dumo krenn le win, te djan le ap kolende, kai khatrenn pen pash tute.

Debleskri gili 83:5

“Awenn”, penenn le, “Stakras len khetne, kol Israelitarjen! Kal menshenge hi kek platsa ap kai phub. Ko lab Israel hunte well bistedo!”

2. Mose 32:12

Kameh, te penenn i Egiptarja: ‘Kau Dewel anas i Israelitarjen dran maro them win, te marell lo len an i berge, te atchell kek lendar pral ap i phub.’ Mangau tut, dja pale tiri chatchedi choljatar! Muk kai bibacht gar pral lende te well!

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Joel 2:17

Penenn i rashajenge, kai budrenn o baro Debleske, te rowenn le ap i platsa mank o Debleskro kheer un leskri chatchepaskri, un penenn: Baro Dewel, kre tiro dji pre tire menshenge! Ma muk i menshen dran wawar themma men te praassell un sanell pral mende. Hoske te penenn le: ‘Kai hi lengro Dewel?’

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

4. Mose 14:13

O Mose penas ap o baro Debleste: “I Egiptarja djinenn, kai tu lal kol menshen tiri sorjah mashkral lende win. Te shunenn le kanna, hoi kral tire menshentsa,

Johanni 12:28

Tata kre, te sharell hakeno tiro lab!” Koi was i rakepen dran o bolepen un penas: “Me krom, kai well job sharedo. Un kowa krau me pale.”

5. Mose 9:28

Muk i Egiptarjen gar te penell: ‘O baro Dewel nai anell len gar an ko them, kolestar job penas, te dell lo les lenge.’ Muk len gar te penell, te anal len win an o mulo tato them dran tiri choli, te merenn le kote.

Josua 7:10

Kote rakras o baro Dewel ap o Josua: “Ste pre! Hoske hal tu jaake tiro mujeha ap i phub tchiddo?

Josua 7:8

Hoi te penap me, mo rai, kanna kai o Israel peske nashas kolendar, kai kamenn les te marell?

1. Samuel 12:22

O baro Debleske his shukar, te wan tumer leskre menshe. Un job das peskro wast koi pre un mukell tumen gar.