Josua 7:26 - O Debleskro Drom 2021 (Sinte)

²⁶ Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.

O Debleskro Lab 2024 (Sinte-Manouche)

²⁶ Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

Josua 7:26 Iomraidhean Croise

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Samuel 21:14

Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

2. Familjakro liil 29:10

Kanna hi man an o shero, te pandap man ap o baro Debleste, ko Dewel pral o Israel, te djal peske leskri choli mendar, hoi jaake sorelo ap mende tchiddo hi.

Esra 10:14

Muk mare pralstune menge kate atchenn. Un hakeno, kai las peske i romjat wawar menshendar an mare forja, job te well glan lende ap i wi-kerdo tsiro, un khetne leha i phureder un i tchatchepangre mursha dran leskro foro. Jaake krah mer lauter, bis te was maro Debleskri choli pral kau koowa mendar krik lino.”

Debleskri gili 85:4

Tu rikral tiri choli pale, un chatchral buder gar i choljatar.

2. Mose 32:12

Kameh, te penenn i Egiptarja: ‘Kau Dewel anas i Israelitarjen dran maro them win, te marell lo len an i berge, te atchell kek lendar pral ap i phub.’ Mangau tut, dja pale tiri chatchedi choljatar! Muk kai bibacht gar pral lende te well!

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 65:10

Mire menshenge, kai putchenn pal mande, well i tala Sharon koi platsa, kai anenn le pengre bakre, un i tala Achor well koi platsa, kai atchenn pengre grumja.

Ropaskre gilja 3:53

Jon witsran man djides an i brunna, un witsran barra ap mande.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

Hosea 2:17

Kote dau late pale lakro drakengro them, un koi tala Achor well lake har i baro wudar, pal koleste lake o kham pre djal. Un kote nashell li pale kamles pal mande, har an ko tsiro, kai li terno his, har an ko tsiro, kai li dran o them Egiptia djas.

Joel 2:13

Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.

Joel 2:18

Palle well o baro Debleskro kamlepen bares an leste peskro themeske, un job krell peskro dji pre peskre menshenge.

Jona 1:15

Un jon lan o Jona un witsran les an o baro pani. Kote was ko baro pani ap jek kopo pokones un his buder gar diwjo.

Zakarie 6:8

Palle das o bolepaskro gole ap mande: “Kol graja, kai djan ap o serwo drom, hoi djal an o them Babilonia, kolla kran, hoi o baro Dewel kote kamas te krell.”

4. Mose 25:8

un djas pal kol Israelitari an leskri isema, un das an kol dujende khetne dren tchurje, an ko mursheste, kai well dran Israel un an koi djuwel. Koi heras ko nasslepen pre, hoi ap i Israelitarja tchiddo his.

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

5. Mose 13:18

Un rikrenn tumenge tchi kolestar, hoi hunte kran paash! Palle lell o baro Dewel peskri bari choli tumendar krik, un well tumenge latcho, un krell tumenge pale peskro dji pre, te krell lo tumendar bud un budeder menshe, jaake har lo pes glan tumare phurende sowel das.

Josua 10:27

Un har o kham tele djas, penas o Josua, te lenn le len pale kol rukendar tele. Un jon witsran len an koi grotta, kai khatran le pen. Un tchiwan bare barra koi glan. Un kol barra hi gomme kau diwes koi.

Josua 7:24

Un o Josua un i tsele Israelitarja lan o Achanes, koleskro dad o Serach his, un ko rup, koi plaashka un ko baro lengsto sonakaskro kotar, ninna leskre tchawen un leskre tchen, leskre grumjen un burike, bakre un leskro plachteno kheer, un halauter, hoi leske his, un anan len an i tala, hoi kharella Achor.

Josua 8:29

Un o baro rajes o forestar Ai mukas lo ap i ruk pre te bladell. Bis ap i rat atchas job ap i ruk. Un har o kham tele djas, penas o Josua, te lenn le ko mules o rukestar tele. Un jon lan les tele un witsran les glan o foreskro baro wudar, un tchiwan bud barra ap leste pre, hoi gomme kau diwes koi hi.