Josua 7:2 - O Debleskro Drom 2021 (Sinte)

² Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

O Debleskro Lab 2024 (Sinte-Manouche)

² Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,

Josua 7:2 Iomraidhean Croise

1. Mose 12:8

Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

1. Mose 28:19

Un job das kol platsa ko lab ‘Betel’. Glan ko tsiro his o lab ko forestar ‘Lus’.

1. Rajengro liil 12:29

Un koi jek figura anas lo an o foro Betel un koi wawar an o foro Dan.

Nehemia 11:31

I menshe Benjamin djiwan an i forja: Geba, Michmas, Aja, Betel un leskre gaba,

Gosewe laba 20:18

Rake i wawarentsa pral kowa, hoi tuke glan lal, te well kowa mishto. Kowa hunte kress, hoi tut ninna glan hi, har bud budeder te kameh i kurepen te krell.

Gosewe laba 24:6

Te kamell lo i kurepen te krell, hunte haiwell lo mishto, har te djal glan. Un kote, kai bud mursha pengro goswepen khetne tchiwenn un pral rakrenn, hoi mishto wals, djal lengro kurepen mishto.

Jesaja 10:28

un wenn pash o foro Aja, un djan wergel o foro Migron; an o foro Michmas mukenn le pengro koowa pale,

Jeremia 49:3

Rob, tu foro Heshbon! O foro Ai hi khetne phagedo. Denn gole, tumer djuwja an o foro Rabba, un riwenn i gono pral tumende! denn ropaskri gole, un nashenn kate te kote! O Milkom peskre rashajentsa un i pralstune wenn pandles krik anlo.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Efesarja 5:15

Denn jak koi pre, har tumer tumaro djipen djiwenna! Ma djiwenn har dinele menshe! Djiwenn har kolla, kai djinenna, hoi mishto hi!

Josua 12:9

I bare raja, kolengre themma i Israelitarja penge dren lan, djiwan an kal forja: Jericho un Ai, hoi pash o foro Betel tchiddo hi,

Josua 18:12

Un i nordetikri rig fun o Benjamineskro them djas fun o pani Jordan dureder pre ap i berge, hoi ap i nordetikri rig o forestar Jericho hi, un dureder pre – kote kai o kham tele djal – an o pralstuno them, jaake dur bis pash o mulo them Bet-Awen.

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 7:3

un wan pale pash o Josua un penan ap leste: “Kowa hi gar i baro foro. Kote hunte djan gar i tsele lurde pre. Jaake dui, triin serja hi doha, te djan le pre un marenn o foro Ai khetne.”

1. Samuel 13:5

Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!

1. Samuel 14:23

Jaake las o baro Dewel ap ko diwes o Israel win dran o wast i Filistarendar. Un ko marepen tserdas pes bis pal o foro Bet-Awen.

1. Samuel 30:27

Leskre mala, kolenge job tchomone bitchras, his an Betel, an Ramot-Negev, an Jattir,