Josua 7:19 - O Debleskro Drom 2021 (Sinte)

¹⁹ Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”

O Debleskro Lab 2024 (Sinte-Manouche)

¹⁹ Koy penas o Yosua ap o Akan: “Miro čavo, pen o čačepen glan o baro Debleste, kay o Israeleskro Devel hi! Oun pen mange, hoy tou kral! Oun rike či pale!”

Josua 7:19 Iomraidhean Croise

2. Rajengro liil 20:15

Un job putchas: “Hoi dikan le an tiro kheer?” O Hiskija penas: “Jon dikan halauter, hoi an miro kheer hi. Un tchi dran miro brawlepen hi koi, hoi me len gar mukom te dikell.”

2. Familjakro liil 30:22

Un o Hiskija rakras kamles ap i tsele Levitarja, kai kran le pengri budi mishto glan o baro Debleste. Efta diwessa kran i Israelitarja ko festo. Un khetne chan le ko mass kol viechendar, hoi dan le o baro Debleste, un parkran pen pash leste, ko Dewel lengre phurendar.

Debleskri gili 32:5

Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.

Debleskri gili 51:3

Miro Dewel, tu hal jaake latcho, un tiro kamlepen hi baro! Dik latches ap mande! Un le ko tchilatcho koowa, hoi krom, mandar krik!

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Jesaja 13:12

Me krau, te atchenn gar bud menshe djido. Tu hunte rodess budeder, te hatsess jek menshes, har te rodeh pal latcho sonakai. Awa, hi phareder te hatsess menshen har te hatsess o sonakai dran Ofir.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Daniel 9:4

Un me rakrom ap miro baro Debleste un mangom man tele, un penom: Ach, miro rai, tu hal o baro Dewel un mer sharah tut. Tu rikreh tiro lab, hoi kolenge dal, kai kamenn tut o djijestar un rikrenn tire laba. Un hal lenge latches.

Louka 17:18

Hi kek wawar koi, kai was pale pale, te sharell lo o Debles har kau Samaritari?”

Johanni 9:24

Kol pralstune bibolde dan koles, kai korelo his, o duito kopo gole, un penan ap leste: “Pen kanna o tchatchepen glan o Debleste! Mer djinah, kai djal kau Jesus gar ap o Debleskro drom.”

Remarja 10:10

Koon o tselo djijestar ap leste patsella, koles tchiwell o Dewel an o tchatchepen. Un koon i menshenge penella: O Jesus hi o rai, koleste dell o Dewel o djipen, hoi gar pre-herella.

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

Tito 2:2

Pen i phure murshenge, te penenn le kek dinelo koowa, te djiwenn le latches glan i menshende, te denn le jak, hoi jon rakrenna, te atchenn le an o tchatcho patsepen, te kamenn le i menshen o tselo djijestar, un te wenn le gar khino an o patsepen!

Jakobo 1:20

Kek krell an i choli kowa, hoi o Dewel kamella.

Josua 7:20

Koi penas o Achan ap o Josua: “Awa, hi tchatcho, me anom bari doosh ap mande glan o baro Debleste, kai o Israeleskro Dewel hi. Un kawa hi, hoi krom:

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.

1. Samuel 14:43

Koi penas o Saul ap o Jonatan: “Pen mange, hoi tu kral.” Un job penas: “Me lom i mui pherdo gwin ko kashteha an miro wast un chom les. Ake hom, tu nai deh man mulo.”