Josua 7:13 - O Debleskro Drom 2021 (Sinte)

¹³ Ste pre, un kre, te wenn i menshe pale erligo glan mande! Pen lenge: Krenn tumen djudjo, te nai wenn glan o Debleste taissarlake! Me, o baro Dewel, hom o Israeleskro Dewel un penau tumenge: Mank tumende, tumer Israelitarja, hi tchomone, hoi miro hi. Doleske nai wenn tumer buder gar sorelo pral kolende, kai kurenn pen tumentsa, jaake rah, har anan tumer ko koowa gar dran tumende krik.

O Debleskro Lab 2024 (Sinte-Manouche)

¹³ Ste pre, oun kre, te venn i menshe pale erligo glan mande! Pen lenge: Krenn t'men djoudjo, te nay venn glan o Debleste taysarlake! Me, o baro Devel, hom o Israeleskro Devel oun penau t'menge: Mank t'mende, t'mer Israelitarya, hi čomone, hoy miro hi. Doleske nay venn t'mer bouder gar zorelo pral kolende, kay kourenn pen t'mentsa, yaake rah, har anan t'mer ko koova gar dran t'mende krik.

Josua 7:13 Iomraidhean Croise

1. Mose 34:27

Palle tchoran o Jakobeskre tchawe kol mulendar an ko foro, kai lengri pheen i sorjah an-tapedo was.

2. Familjakro liil 28:10

Un kanna kamenn tumer ninna kol pandlen dran o them Juda un o foro Jerusalem tel tumare pire te tchiwell, te wenn le tumare budepangre. Patsenn tumer, kai anenn kau koweha kek doosh ap tumende glan tumaro baro Debleste?

Mateo 7:5

Tu chocheno! Tu kreh, har te wals tu latcheder har job. Le ko baro kasht dran tiro jak win, palle nai leh tu o tikno kasht dran tiro phraleskro jak win!

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

Josua 3:5

Un o Josua penas ap i menshende: “Krenn tumen djudjo o Debleske! Taissar krell o baro Dewel i baro koowa mashkral tumende.”

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

Josua 7:11

O Israel anas bari doosh ap peste! Jon rikran pen gar ap mire laba, hoi lenge penom, te hunte rikrenn le. Un jon lan kolestar, hoi mange his un tchoran les un tchiwan les tchorchanes pash pengro koowa pashel.