Josua 7:12 - O Debleskro Drom 2021 (Sinte)

¹² Doleske nai wenn i Israelitarja buder gar sorele pral kolende, kai kurenn pen lentsa. Un jon hunte nashenn lendar. Kanna hi jon kolla, kai hunte darenn lengro djipaske. Me hom buder gar tumentsa jaake rah, har anenn tumer gar ko koowa dran tumende krik, hoi mandar tchoran.

O Debleskro Lab 2024 (Sinte-Manouche)

¹² Doleske nay venn i Israelitarya bouder gar zorele pral kolende, kay kourenn pen lentsa. Oun yon hounte nashenn lendar. Kanna hi yon kolla, kay hounte darenn lengro djipaske. Me hom bouder gar t'mentsa yaake rah, har anenn t'mer gar ko koova dran t'mende krik, hoy mandar čoran.

Josua 7:12 Iomraidhean Croise

Debleskri gili 44:10

Kanna tchiwal men pale un witsral men an i ladj. Tu djah gar mare lurdentsa an o kurepen.

Debleskri gili 60:10

O them Moab hi miro thopaskro tcharo. Ap o them Edom witsrau miro kirach. Pral i Filistarja dau gole: Me hom o sorleder!”

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jeremia 23:33

O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

Jeremia 6:8

Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Habakuk 1:13

Tire jaka hi jaake djudjo, te nai dikeh kek tchilatchepen. Tu nai dikeh gar har i menshe dukedo wenna. Hoske kreh tu tchi, te dikeh kol chochene phukepangren, un peneh kek lab, te chal o tchilatcho koles pre, kai hi latcheder un tchatcheder har job?

4. Mose 14:39

Har o Mose kol laba ap kol tsele Israelitarja penas, his kol tsele menshenge ropaske.

4. Mose 14:42

O baro Dewel hi gar pash tumende. Djan gar koi pre, te wenn tumer gar maredo kolendar, kai kamenn tumaro merepen!

4. Mose 14:43

Kol Amalekarja un kol Kanaanitarja hi koi wergel tardo glan tumende, un tumer wenn mulo dino o chareha. Tumer djan o baro Deblestar krik. Doleske hi lo gar tumentsa.”

4. Mose 14:45

Koi wan kol Amalekarja un kol Kanaanitarja, kai ap i berga djiwan, tele, un dan len, un lan len palla bis pash o foro Horma.

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

Čačepangre 16:20

Un joi penas ap leste: “Filistarja hi pral tute Simson!” Kote stas lo dran peskro sopen pre. Un penas peske: “Me wau krik har hako wawar kopo ninna. Me nai tserdau kol dorja mandar krik.” Job djinas gar, te djas peske o baro Dewel lestar.

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Čačepangre 2:4

Un har o baro Debleskro bolepaskro kowa lauter ap i Israelitarja penas, koi rowan le soreles.

1. Samuel 14:38

Koi das o Saul i pralstune lurden pash peste khetne gole un penas: “Kau diwes anas jek doosh ap peste. Hatsenn win, koon kowa kras!