Josua 6:4 - O Debleskro Drom 2021 (Sinte)

⁴ Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.

O Debleskro Lab 2024 (Sinte-Manouche)

⁴ Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.

Josua 6:4 Iomraidhean Croise

1. Mose 2:3

Un o Dewel penas: “Ko eftato diwes hi i baro diwes mange. Ko diwes hi miro.” Ap o eftato diwes his leskri budi halauter kerdo, un job budras buder gar.

1. Rajengro liil 18:43

un penas ap peskro budepaskro: “Dja pre un dik koi, kai hi o baro pani!” Job djas, dikas un penas: “Kote hi tchi!” Un o Elija penas: “Dja pale!” Un o budepaskro djas un was pale, efta kope.

2. Rajengro liil 5:10

Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

2. Familjakro liil 13:12

Dikenn, mentsa hi o Dewel un djal glan mende. Ninna leskre rashaja hi kate, te phurdenn le an i phurdepangre un denn men o sikepen, te djas mer an o kurepen tumentsa. Tumer Israelitarja, ma kurenn tumen o baro Debleha, kai o Dewel tumare phurendar hi! Tumenge djal kowa gar mishto win!”

2. Familjakro liil 20:17

Gar tumer hunte kurenn tumen kote. Atchenn glan lende tardo! Atchenn kote un dikenn, har me, o baro Dewel, tumen dran lengro wast win lau. Me hom pash tumende, tumer menshe dran Juda un Jerusalem. Ma darenn! Trashenn tchi! Taissar djan pash lende! O baro Dewel hi tumentsa.”

2. Familjakro liil 20:19

Un i Levitarja dran i khera Kohat un Korach, stan pre un sharan i bari goljah o baro Debles, kai o Israeleskro Dewel hi.

2. Familjakro liil 20:21

Job rakras pes i menshentsa tele, un bitchras gipangre, te djan le glan i lurdende, an-rido an pengre shukar koola, un giwenn o baro Debleske koi gili: Parkrenn tumen pash o baro Debleste! Leskro latchepen hi an hako tsiro koi.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

3. Mose 14:16

Palle tchiwell lo peskro tchatcho gushto an ko djet, hoi an leskro serwo wast hi, un witsrell ko djetestar efta kope ap o Debleskri chatchepaskri.

3. Mose 4:6

Job tchiwell peskro gushto an ko rat, un witsrell efta kope ko ratestar glan o laintikro kotar than, hoi hi glan o Debleskri kutch isema.

Zakarie 4:2

un penas ap mande: “Hoi dikeh?” Me penom: “Me dikau i momelengri kerdi dran sonakai. Ap late hi i tcharo. Koi pre hi efta momlia, hakeni i mujeha.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

4. Mose 23:1

O Bileam penas ap o Balak: “Muk kate ap efta platse barra pre te tchiwell, kai nai chatchrau viechen o Debleske, un an mange efta terne gurma un efta bakre!”

Josua 6:13

Un kol efta rashaja hidjran kol efta phurdepangre glan o mochton, un phurdan ap lende o tselo tsiro pash o djapen. Un kol feteder kurepangre djan lenge glan win. Un kol wawar lurde djan pal o mochton. Un an ko tselo tsiro phurdan i rashaja an pengre phurdepangre.

Josua 6:3

Shob diwessa muk tire tsele lurden trul o foro te djal: hako diwes jek kopo.

Josua 6:5

Te shunenn i lurde, har i rashaja lengsto an pengre phurdepangre phurdenn, hunte denn le halauter i bari kurepaskri gole. Palle perenn i pre-tchidde barra trul o foro an pende khetne. Un i tsele lurde nai djan haki rigjatar an o foro dren.”

Debleskro tsiro 1:20

Me kamau te haiwess, hoi kol efta bolepangre momlia hi, hoi tu an miro tchatcho wast dikal. Te haiwess ninna, hoi kol sonakangre momlia hi! Kol efta bolepangre momlia hi o Debleskre budepangre, kai denn jak ap i patslende, kai an i efta forja khetne wenna. Un i efta sonakangre momlia hi i patsle, kai wenna khetne an i efta forja.”

Debleskro tsiro 1:4

Me, o Johanni, tchinau kau liil ap i tsele patslende, kai an i efta forja an o them Asia khetne wenna. Latchepen un bacht tumenge! Kowa dell tumen o Dewel! Job djiwella hako tsiro: kanna un an ko tsiro, hoi his un hoi wella! Latchepen un bacht tumenge! Kowa dell tumen o Debleskro Ducho! Kowa hi har efta jaga glan o Debleskro beshepaskro tardo.

Debleskro tsiro 10:3

Un job das soreles gole, har i bari diwji margodja soreles gole della. Un har job gole das, shunom efta sorele golja dran o bolepen.

Debleskro tsiro 15:1

Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi pral i phub. Pal koi eftati phagi well buder kek phagi. Palle hi o Dewel buder gar chojedo.

Debleskro tsiro 15:7

Kote his ninna kol star sorele bolepangre tardo. Un jek lendar das kol efta bolepangren efta sonakangre tchare an lengre wasta. An kol tchare his i choli o Deblestar, kai djiwell kanna un hako tsireske.

Debleskro tsiro 16:1

Un me shunom, har jek dran o Debleskro kheer bari gole das un ap kol efta bolepangre penas: “Djan win un tchorenn kol efta tchare, kai pherdo Debleskri choli hi, pral i phub win!”

Debleskro tsiro 5:1

Un me dikom i liil an o tchatcho wast kolestar, kai ap o rajeskro beshepaskro beshdo hi. Ap ko liil his dren un win tchomone tchinlo. Un ko liil his khetne pandlo efta dorjentsa.

Debleskro tsiro 5:6

Un me dikom i terno bakres pash o rajeskro beshepaskro, hoi wi-dikas, har wals lo maredo. Kowa hi tardo mashkral kol star sorele bolepangre un kol tchatchepangre phurende. Les hi efta shinga un efta jaka. Kol efta jaka hi o Debleskro Ducho, hoi pral i tseli phub win bitchedo was.

Debleskro tsiro 8:2

Un me dikom kol efta bolepangren, kai glan o Debleskro beshepaskro tardo hi. Kolla lan efta phurdepangren.

Debleskro tsiro 8:6

Un kol efta bolepangre, kai his len kol efta phurdepangre, lan len an i wasta, te phurdenn le dren.