Josua 4:12 - O Debleskro Drom 2021 (Sinte)

¹² Un i mursha, kai dran o kheer Ruben un dran o kheer Gad his, un kol paash kolendar dran o kheer Manasse, kolla lan pengre chare pentsa, un djan glan i wawar Israelitarja, jaake har o Mose kowa glan i tsiro ap lende penas.

O Debleskro Lab 2024 (Sinte-Manouche)

¹² Oun i morsha, kay dran o kheer Ruben oun dran o kheer Gad his, oun kol paash kolendar dran o kheer Manasse, kolla lan pengre rhare pentsa, oun djan glan i vavar Israelitarya, yaake har o Mose kova glan i tsiro ap lende penas.

Josua 4:12 Iomraidhean Croise

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

4. Mose 32:17

Palle djah mer khetne mare phralentsa an o kurepen. Mer djah glan lende, bis te anam len an lengro them. An ko tsiro atchenn mare tchawe an kol sorele forja, te krenn lenge kol menshen an kau them tchi.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 33:21

Job rodas peske o feteder kotar them win. Har i pralstune pral Israel khetne wan, dan le leste ko kotar them, hoi i pralstuneske hi. Un khetne i pralstunentsa pral Israel kras job o tchatchepen jaake win, har o baro Dewel kowa kamas, te djiwenn i Israelitarja pal o baro Debleskre laba.

Josua 1:14

Tumare romja un tumare tchawe un tumare vieche atchenn an kau them, hoi o Mose tumen das, ap kai rig o panjestar Jordan. Tumer mursha, halauter kai han tchatche kurepangre, lenn tumare chare tumentsa, un djan glan tumare phralende ap i wawar rig! Jon hi tumare phrala. Doleske hunte wenn lenge ap i rig jaake rah, bis te dell o baro Dewel lende ninna o them, kai jon khere wenn, jaake har tumen. Palle djan tumer pale pale an tumaro them, hoi das tumen o baro Debleskro budepaskro, o Mose: ko them, hoi ap kai rig o panjestar Jordan hi, kai o kham pre djala.”

Josua 4:11

Un har i tsele Israelitarja ap i wawar rig his, koi djan ninna kol rashaja ap i wawar rig, kai hidjrenn ko mochton, kai i laba o baro Deblestar dren hi. Un jon djan glan i menshende.

Josua 4:13

Jaake 40.000 (star-deesh-serja) lurde djan an o kurepen an o telstuno them pash o foro Jericho. Un o baro Dewel his lentsa.