Josua 4:11 - O Debleskro Drom 2021 (Sinte)

¹¹ Un har i tsele Israelitarja ap i wawar rig his, koi djan ninna kol rashaja ap i wawar rig, kai hidjrenn ko mochton, kai i laba o baro Deblestar dren hi. Un jon djan glan i menshende.

O Debleskro Lab 2024 (Sinte-Manouche)

¹¹ Oun har i tsele Israelitarya ap i vavar rig his, koy djan ninna kol rashaya ap i vavar rig, kay hidjrenn ko morhton, kay i laba o baro Deblestar dren hi. Oun yon djan glan i menshende.

Josua 4:11 Iomraidhean Croise

Jesaja 52:12

Kau kopo hunte nashenn gar sik kotar win, witar gar jaake har wans ap o naashepen. O baro Dewel djal tumenge glan win, un dell pal tumende jak, job, o Dewel pral o Israel.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

Josua 3:17

Un i rashaja, kai o mochton hidjrenn, kai o Debleskre deesh laba dren hi, kolla atchan tardo mashkral an o pani Jordan ap i phub, hoi his buder gar sapeno, bis te djan i tsele Israelitarja ap i wawar rig.

Josua 3:8

Tu pen ap i rashaja, kai hidjrenn ko mochton: Te wenn tumer pash o pani Jordan, atchenn an o pani tardo!”

Josua 4:10

Un kol rashaja, kai ko mochton hidjrenn, atchan mashkral an o pani Jordan tardo, bis te halauter kerdo his, hoi o baro Dewel ap o Josua penas, te penell lo kowa i tsele menshenge, jaake har o Mose kowa ap o Josua penas. Un i tsele menshe djan sik wergel.

Josua 4:12

Un i mursha, kai dran o kheer Ruben un dran o kheer Gad his, un kol paash kolendar dran o kheer Manasse, kolla lan pengre chare pentsa, un djan glan i wawar Israelitarja, jaake har o Mose kowa glan i tsiro ap lende penas.

Josua 4:18

Un har i rashaja kowa kran, un lengre herja ap o them tchiwan, was o pani an o Jordan pale un nashas pale jaake pral i tsele rigja har glan ko tsiro.