Josua 4:10 - O Debleskro Drom 2021 (Sinte)

¹⁰ Un kol rashaja, kai ko mochton hidjrenn, atchan mashkral an o pani Jordan tardo, bis te halauter kerdo his, hoi o baro Dewel ap o Josua penas, te penell lo kowa i tsele menshenge, jaake har o Mose kowa ap o Josua penas. Un i tsele menshe djan sik wergel.

O Debleskro Lab 2024 (Sinte-Manouche)

¹⁰ Oun kol rashaya, kay ko morhton hidjrenn, ačan mashkral an o pani Yordan tardo, bis te halauter kerdo his, hoy o baro Devel ap o Yosua penas, te penell lo kova i tsele menshenge, yaake har o Mose kova ap o Yosua penas. Oun i tsele menshe djan sik vergel.

Josua 4:10 Iomraidhean Croise

Debleskri gili 119:60

Me tradom man, un krau sik, hoi tu mandar kameh.

2. Mose 12:39

I Israelitarja mukan o them Egiptia jaake sik, te nai tchiwan le kek chapen penge khetne, te lan le les lentsa ap o drom. Kokres kol mare, hoi gar peklo his, lan le peha. Kolla mare, kai kek shutlo jarro dren hi, pekan le kanna.

Gosewe laba 27:1

Ma share tut pral kowa, hoi hi tut glan o wawar diwes! Tu djineh gar, hoi tuke ko diwes anell.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 28:16

Doleske penell o baro Dewel, maro rai: Ap i berga Zion tchiwau i sorelo bar, ap koleste miro kheer tardo well. Sorelo un kutch hi ko bar un rikrell lauter win. Ap leste hi tardo: Koon ap mande patsell, nashell peske gar.

2. Korintarja 6:2

O Dewel penell an peskro lab: “Ap o tchatcho tsiro shunau tut, ap ko diwes lau tut dran o tchilatchepen win un dau tut o newo djipen.” Shunenn, kanna hi o tchatcho tsiro kai! Kanna lell lo tumen dran o tchilatchepen win!

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

Josua 4:11

Un har i tsele Israelitarja ap i wawar rig his, koi djan ninna kol rashaja ap i wawar rig, kai hidjrenn ko mochton, kai i laba o baro Deblestar dren hi. Un jon djan glan i menshende.

Josua 4:9

Deesh-te-dui wawar barra tchiwas o Josua mashkral an o pani Jordan, kote kai i herja kol rashajendar tardo his, kai hidjran o mochton, kai o Debleskre deesh laba dren hi. Un kote hi kol barra ninna gomme kau diwes.