Josua 3:5 - O Debleskro Drom 2021 (Sinte)

⁵ Un o Josua penas ap i menshende: “Krenn tumen djudjo o Debleske! Taissar krell o baro Dewel i baro koowa mashkral tumende.”

O Debleskro Lab 2024 (Sinte-Manouche)

⁵ Oun o Yosua penas ap i menshende: “Krenn t'men djoudjo o Debleske! Taysar krell o baro Devel i baro koova mashkral t'mende.”

Josua 3:5 Iomraidhean Croise

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Debleskri gili 77:15

Tu hal ko Dewel, kai sawo baro koowa krell, hoi kek wawar nai krella. Tu sikral tiri bari soor pash i menshende an wawar themma.

Debleskri gili 86:10

Tu hal baro un kreh baro koowa, hoi kek wawar nai krella. Tu kokres hal o Dewel.

Joel 2:16

Kharenn i menshen khetne, un thowenn tumen jaake har glan tchinlo hi, te wenn djudjo glan o Debleste. Awenn halauter khetne, tumer phure, tchawe un ternepen! O bijabeskro te djal dran peskri isema, un leskri pirni dran kolakri.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

3. Mose 20:7

Me, o baro Dewel, hom tumaro Dewel. Doleske awenn mange kokres koi. Tchi hunte well tardo mank mande un tumende!

4. Mose 11:8

Un kol menshe nashan kate te kote, un lan kowa khetne, un kran jarro dran leste, un keran kowa an pirja, un kran merklia kolestar. Ko manna his an o mui har maro, kai djet dren hi.

Johanni 17:19

Me dau tut miro tselo djipen. Kowa krau lenge, te wenn jon ninna tire an o tchatchepen.

Josua 3:15

Kowa his an ko tsiro, kai anenn le o djob dren. An ko tsiro his jaake bud pani an o Jordan, te djal o pani pral i rigja. Har kanna i rashaja pengre herja an o pani tchiwan,

Josua 3:4

Ko mochton sikrell tumen o drom, hoi hunte djan. Bis kanna djan tumer ko drom gomme gar. Rikrenn tumen i kotar pal ko mochton! Mukenn jaake jek kilometari mank leste un tumende!”

Josua 3:6

Un ap i rashajende penas lo: “Hadenn o mochton pre, kai o Debleskre deesh laba dren hi! Un djan glan i menshende glan!” Koi hadan le o mochton pre, un djan i menshenge glan win.

Josua 7:13

Ste pre, un kre, te wenn i menshe pale erligo glan mande! Pen lenge: Krenn tumen djudjo, te nai wenn glan o Debleste taissarlake! Me, o baro Dewel, hom o Israeleskro Dewel un penau tumenge: Mank tumende, tumer Israelitarja, hi tchomone, hoi miro hi. Doleske nai wenn tumer buder gar sorelo pral kolende, kai kurenn pen tumentsa, jaake rah, har anan tumer ko koowa gar dran tumende krik.

1. Samuel 16:5

“Awa”, penas lo. “Me hom kai, te anap o baro Debleske i vieches. Krenn kowa, hoi glan tchinlo hi, te wenn djudjo o Debleske! Un awenn mantsa, te chas mer o vieches, hoi anom o Debleske.” Un job kras ap o Isai un leskre tchawende kowa, hoi glan tchinlo hi, te wenn le djudjo o Debleske, un penas: “Awenn mantsa, te chas mer o vieches, hoi dau o Debleske.”