Josua 3:16 - O Debleskro Drom 2021 (Sinte)

¹⁶ atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.

O Debleskro Lab 2024 (Sinte-Manouche)

¹⁶ ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.

Josua 3:16 Iomraidhean Croise

1. Mose 14:3

Kol pantch raja kran win, te rikrenn jon khetne un wan an i tala Siddim. Kowa hi kanna o Londo Baro Pani.

1. Rajengro liil 4:12

O Baana, koleskro dad o Ahilud hi, job his o pralstuno pral i forja Taanach un Megiddo, un pral o tselo them pash o foro Bet-Shean – ko foro his pash o foro Zaretan tchiddo, tel o foro Jesreel, mank o foro Bet-Shean un o foro Abel-Mehola, bis pal o foro Jokneam.

1. Rajengro liil 7:46

O baro rai mukas ko lolo saster tato te krell, un an phubjengre forme te tchorell an o telstuno them pash o pani Jordan mank kol forja Sukkot un Zaretan.

Debleskri gili 114:3

Har wan le pash o baro pani, nashas o pani peske. Har wan le pash o pani Jordan, djas o pani pale.

Debleskri gili 114:5

“Tu baro pani, hoi his tuha, te nashal tuke, un tuha, tu pani Jordan, te djal pale?

Debleskri gili 29:10

O baro Dewel hi beshdo pral i panja. O baro Dewel hi o baro rai hako tsireske.

Debleskri gili 33:7

Job rikrell i bare panja khetne har an i gono, un tchiwell i bare panja khetne har an i kheer.

Debleskri gili 66:6

Dran o baro pani kras job i truk phub. Jon nai djan mashkral ap i wawar rig. Pral kowa giwam i bachtjatar.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Debleskri gili 77:19

Tu kral bari gole ap o bolepen. Koi jag ap o bolepen kras i rat har te wals diwes. I phub trissas i darjatar.

Debleskri gili 78:13

Job kras i drom an o baro pani, un mukas len mashkral ap i wawar rig te djal. Ap kol dui rigja his o pani pral tardo har i kheer.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

2. Mose 14:22

Koi djan i tsele Israelitarja mashkral o baro pani ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra trul i foro tardo hi.

2. Mose 14:29

Jaake djan i Israelitarja mashkral o baro pani ap i wawar rig. Jon djan ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra, hoi trul i foro tardo hi.

2. Mose 15:8

Tu phurdal tiro ducho, un o pani hadas pes bares pre, un atchas tardo har i kheer, un nashas gar buder.

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Ezekiel 47:8

Un job penas ap mande: Kau pani nashell win an ko kotar them, hoi kote hi, kai o kham pre djal, un dureder tele an i tala, kai o Jordan nashell, bis te well lo an o Londo Baro Pani. Un ko baro pani well palle sasto.

Nahum 1:4

Job tchingrell ap o baro pani, un o pani djal krik. Un kol lengste panja nashenn buder gar. O senlepen an o them Bashan un i ruka ap i berga Karmel merenn tele. Ninna i blume ap i berga Libanon merenn.

Habakuk 3:8

Baro Dewel, his tut i choli ap i sorele panja? Wal tu chojedo pral o baro pani, har klissal tu win tire grajentsa, un tire kurepangre wurdja sorleder his har hake wawar?

4. Mose 34:3

Ap i tchatchi rig djal tumaro them bis pash o mulo them Zin un bis pash o them Edom. I tchatchi rig djal fun o Londo Baro Pani, kotar, kai o kham pre djal,

5. Mose 1:1

Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

5. Mose 3:17

Ap i rig, kai o kham tele djal, djal o them bis pash o lengsto pani Jordan, un kote fun o pani Kinneret bis pash o Londo Baro Pani, un bis tella pash i berga Pisga, kote kai o kham pre djal.

Josua 12:3

O Sihon his ninna o rai pral o them, hoi ap koi rig o panjestar Jordan tchiddo hi, kai o kham pre djal, fun o pani Kinneret bis pash o Londo Baro Pani, kai o drom pash o foro Bet-Jeshimot djal un dureder kote, kai o kham pralstunes tardo hi, bis tele pash koi berga, hoi kharell Pisga.

Josua 15:2

Ap koi rig, kai o kham pralstunes tardo hi, sikras i drom, har dur o them djas. Ko drom djas fun o Londo Baro Pani – fun leskro palstuno kotar kote, kai o kham pralstunes tardo hi –

Josua 16:7

Fun o foro Janoach djas o drom tele pash i forja Atarot un Naara un dureder bis pash o foro Jericho, un fun kotar pash o pani Jordan.

Josua 4:22

Palle penenn tumer lenge: ‘Har i Israelitarja mashkral o pani Jordan djan, wan lengre herja gar sapenes.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.

Čačepangre 7:22

Un har kol triin sheel mursha an pengre phurdepangre phurdan, kras o baro Dewel, te kuras pes ap i platsa hakeno hakeneha. Un jon lauter nashan bis pash o foro Bet-Shitta ap o drom pash o foro Zereda, un ninna bis pash o foro Abel-Mehola pash o foro Tabbat.