Josua 24:12 - O Debleskro Drom 2021 (Sinte)

¹² Me krom, te lan le bari traash tumendar. Jaake tradom len glan tumende win, har tradom glan kowa ninna kol dui rajen pral i Amorarjen glan tumende win. Tumare chare un boge kran kowa gar.

O Debleskro Lab 2024 (Sinte-Manouche)

¹² Me krom, te lan le bari traash t'mendar. Yaake tradom len glan t'mende vin, har tradom glan kova ninna kol douy rayen pral i Amoraryen glan t'mende vin. T'mare rhare oun boge kran kova gar.

Josua 24:12 Iomraidhean Croise

Debleskri gili 135:11

O Sihon, ko baro rai pral i Amorarja, un o Og, ko baro rai pral Bashan, un i tsele bare raja an o them Kanaan.

Debleskri gili 80:10

Tu kral leske bud platsa, leskre draba nai djan dur an i phub, un job was buchlo an o tselo them.

Debleskri gili 80:9

Dran o them Egiptia anal tu i drakengro ruk; tradal wawar menshen dran lengre themma, un tchiwal les an i phub.

2. Mose 23:28

I Hiwarja, i Kanaanitarja un i Hetarja nashenn i darjatar glan tute penge, te weh tu pash lende.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

4. Mose 21:31

Jaake djiwas o Israel an o them, kai i Amorarja djiwan.

4. Mose 21:32

Un o Mose bitchras murshen win pash o foro Jaser, te hatsenn le win, har sorelo ko foro hi. Un i Israelitarja lan ko fores penge dren, ninna kol gaba, hoi koi pashel hi. Un jon tradan kol Amorarja krik, kai koi dren his.

5. Mose 31:4

O baro Dewel krell kol wawar menshentsa jaake, har job kowa kras i rajentsa pral i Amorarja, o Sihon un o Og, kolen job das un lengro them paash kras.

5. Mose 4:46

An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

5. Mose 4:47

Un jon lan leskro them penge dren, ninna o them, kai o Og o rai his pral o them Bashan. O Sihon un o Og, kol dui his i raja pral i Amorarja ap kai rig o panjestar Jordan, kai o kham pre djala.

5. Mose 7:20

Kote pashel bitchrell tumaro baro Dewel bari bibacht un daar ap lende bis te kolla, hoi pral atchenn un pen glan tumende khatrenn, ninna maredo wan.

Josua 2:10

Mer shunam, har kras o baro Dewel tumenge i drom an o baro pani, hoi kharella ‘Baro Lolo Pani’, har djan dran o them Egiptia win. Shunam ninna, hoi kran tumer kol dui bare rajentsa pral i Amorarja, o Sihon un o Og, hoi ap i wawar rig o panjestar Jordan his. Tumer maran len un kran halauter paash, hoi lenge his.