Josua 24:11 - O Debleskro Drom 2021 (Sinte)

¹¹ Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

O Debleskro Lab 2024 (Sinte-Manouche)

¹¹ T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

Josua 24:11 Iomraidhean Croise

1. Mose 15:19

Un kolla, kai an kau them khere hi, dau me an tiro wast: i Kenarja, i Kenasarja, i Kadmonarja,

Debleskri gili 105:44

Job das len o them wawar menshendar, un halauter, hoi kolen his, das lo lende, te well kowa lengro.

Debleskri gili 114:3

Har wan le pash o baro pani, nashas o pani peske. Har wan le pash o pani Jordan, djas o pani pale.

Debleskri gili 114:5

“Tu baro pani, hoi his tuha, te nashal tuke, un tuha, tu pani Jordan, te djal pale?

2. Mose 13:5

O baro Dewel das pes sowel glan tumare phurende, te dell lo tumen ko them, kai djiwenn kanna i Kanaanitarja, i Hetarja, i Amorarja, i Hiwarja un i Jebusarja. Kowa hi i them, kai hi bud thud un gwin dren. Ap ko tsiro, kai anas tumen o baro Dewel an ko them, krenn pale jaake hako bersh an o tchon Abib:

2. Mose 23:23

Awa, miro bolepaskro djal glan tute un anell tut an o them, kai djiwenna i Amorarja, i Hetarja, i Perisarja, i Kanaanitarja, i Hiwarja un i Jebusarja. Un me dau len temerl.

2. Mose 23:28

I Hiwarja, i Kanaanitarja un i Hetarja nashenn i darjatar glan tute penge, te weh tu pash lende.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

Bičepangre 13:19

Palle tradas job efta natsjone dran ko them Kanaan win, un das kau them mare menshende.

Bičepangre 7:45

Mare phure hidjran kau kheer lentsa, bis te anas len o Josua an o them Kanaan. Kote djiwan wawar menshe, kai o Debles gar prindjrenna. Kolen tradas o Dewel win, un das ko them mare phurende. O Debleskro tikno kheer dran viechengre balla atchas an o them Kanaan un his gomme koi, har o David o baro rai was.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

Josua 4:1

Un har i tsele menshe ap i wawar rig o panjestar Jordan his, koi penas o baro Dewel ap o Josua:

Josua 4:19

Kowa his o deshto diwes an o glanstuno tchon, har i Israelitarja ap i wawar rig o panjestar Jordan wan. Un jon tchiwan pengre plachtene khera pre ap i platsa, hoi kharella Gilgal. Kai platsa hi pash o foro Jericho ap koi rig, kai o kham pre djala.

Josua 4:23

Tumaro baro Dewel mukas o Jordan glan tumende truk te well, bis te djan halauter wergel. Jaake har o baro Dewel kowa ninna o Baro Lolo Panjeha kras.

Josua 9:2

Un jon wan halauter khetne, te djan le khetne an o kurepen khatar o Josua un o Israel.