Josua 24:10 - O Debleskro Drom 2021 (Sinte)

¹⁰ Me kamom gar te krell, hoi o Bileam mandar kamas. Un job hunte rakras bacht pral tumende win. Jaake lom me tumen dran o wast o rajestar Balak win.

O Debleskro Lab 2024 (Sinte-Manouche)

¹⁰ Me kamom gar te krell, hoy o Bileam mandar kamas. Oun yob hounte rakras barht pral t'mende vin. Yaake lom me t'men dran o vast o rayestar Balak vin.

Josua 24:10 Iomraidhean Croise

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

4. Mose 22:35

O baro Debleskro bolepaskro penas ap leste: “Dja kol murshentsa! Ma rake wawar koowa har me tuke penau!” Jaake djas o Bileam kol pralstunentsa, kai o Balak bitchras.

5. Mose 23:5

Jon wan gar pash tumende mareha un panjeha, har hans ap drom dran o them Egiptia. Un jon plaissran lowe o mursheske Bileam, koleskro dad o Beor his, dran o foro Petor an o them Mesopotamia, te rakrell lo bibacht pral tumende win.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.