Josua 24:1 - O Debleskro Drom 2021 (Sinte)

¹ Un o Josua mukas menshen dran haki bari familja, kai wan kol deesh-te-dui tchawendar o Jakobestar pash peste an o foro Sichem khetne gole te dell, i phureden, i pralstunen pral i bare familje, i tchatchepangre murshen, un wawar pralstunen. Un jon wan khetne glan o Debleste.

O Debleskro Lab 2024 (Sinte-Manouche)

¹ Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

Josua 24:1 Iomraidhean Croise

1. Mose 12:6

Un job djas dureder an o them un was an o foro Sichem pash ko baro ruk ‘More’. An ko tsiro djiwan i Kanaanitarja an ko them.

1. Mose 35:4

Un jon dan o Jakobeste pengre tsele deblen dran barra un kashta, hoi jon an-mangan, un i tsele kanengre, hoi an lengre kanda his. Un o Jakob paskras len tel o baro ruk pash o foro Sichem.

1. Rajengro liil 12:1

O Jerobeam, koleskro dad o Nebat his, his an o them Egiptia, kote nashas job glan o rajeste Salomo. An ko tsiro djas o Rehabeam an o foro Sichem. Un i tsele Israelitarja wan kote ninna khetne, te tchiwenn le les pral pende, te well lo lengro rai. Har kowa o Jerobeam shunas, was lo palpale dran o them Egiptia.

2. Rajengro liil 23:1

Un o baro rai, o Josia, bitchras peskre bitchepangre, un mukas i tsele phureder an o them Juda un an o foro Jerusalem pash peste khetne gole te dell.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

5. Mose 29:9

Kau diwes han halauter glan tumaro baro Debleste tardo: I pralstune pral tumare bare familjende, tumare phureder un kolla, kai pral tumende penepaske hi, hake mursha,

Josua 20:7

Un i mursha dran Israel rodan kal forja win, te wenn le naashepangre forja: o foro Kedesh an o them Galilea ap i berga Naftali; o foro Sichem an o them Efrajim; un o foro Kirjat-Arba, hoi hi kanna Hebron, ap i berge Juda.

Josua 23:2

Kote das lo i tsele pralstunen pral Israel pash peste khetne gole: i phureder, un i pralstune pral i bare familje, i tchatchepangre mursha un wawar pralstune, un penas ap lende: Me wom phuro, un man his i lengsto djipen.

Čačepangre 20:26

Pale djan i tsele lurde dran Israel pre an o foro Betel, un rowan un dan gole glan o baro Debleste. Un chan tchi un pijan tchi ko tselo diwes bis i rat was. Un jon chatchran viechen o baro Debleske, sawe kai wan tseles chatchedo un sawe, kai chan le khetne glan o baro Debleste.

1. Samuel 10:19

Tumer witsran kau diwes tumaro Debles ap i rig, koles, kai las tumen win dran tumari daar un tumaro pharo djipen. Ap koleste penan: ‘Tchip i baro rajes pral mende!’ Kanna mishto! Awenn glan o baro Debleste! Haki bari familja, hoi well pal jekeste kol deesh-te-dui Jakobeskre tchawendar well tardo peske, un mank lende ninna hako dadeskro kheer.”