Josua 23:12 - O Debleskro Drom 2021 (Sinte)

¹² Te rissrenn tumer tumen lestar tele, un tchiwenn tumen kol wawar menshentsa khetne, kai gomme an kau them djiwenn, un romedinerenn len,

O Debleskro Lab 2024 (Sinte-Manouche)

¹² Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,

Josua 23:12 Iomraidhean Croise

1. Mose 2:24

Doleske mukella i rom peskro dades un peskri dat un djala peskri romjah. Un jon wenna jek.

1. Mose 34:3

Un job kamas lat o djijestar un rakras latche labentsa ap late.

1. Rajengro liil 11:2

Kolla his sawe menshendar, kolendar o baro Dewel ap i Israelitarja penas: “Ma mukenn tumen lentsa dren, un jon hunte mukenn pen gar tumentsa dren. Jon tserdans tumare djia pash lengre deblende.” Ap kal djuwjende nashras o Salomo peskro dji.

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Jesaja 1:4

Tumenge djal djungelo, tumer tchilatche menshe, kai anan jaake bud doosh ap tumende! Tumer han bede, tchawe, kai molenn tchi! Tumer mukan o baro Debles, kamenn tchi buder te djinell o Israeleskro Deblestar, kai kokres o Dewel hi, un sikran leske tumaro dumo.

Ezekiel 18:24

I latcho mursh, te mukell job peskro latcho drom, un krell kanna o tchilatchepen, un ko tselo djungelo koowa, hoi ko tchilatcho kras, atchell lo djido? Na-a! Ko tselo latcho un tchatcho koowa, hoi lo kras, well bistedo. Job mukas o Debleskro drom un anas doosh ap peste. Doleske hunte merell lo.

Zefanja 1:6

Marau ninna kolen, kai perenn mandar tele, un kolen, kai putchenn gar pal mande, un kamenn tchi mandar te djinell.

Mateo 12:45

Koi rodell lo peske wawar efta benga, kai tchilatcheder hi har job. Un jon djan an ko mensheste dren, un djiwenn an leste. Jaake hi ko mensheha djungleder har glan kau tsiro. Un jaake djal ninna kal tchilatche menshenge, kai kanna djiwenna.

Johanni 6:66

Ap ko tsiro tserdan pen bud kolendar pale, kai leske palla djan, un djan buder gar leha.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

5. Mose 6:15

Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.

5. Mose 7:3

Ma romedinerenn kek lentsa! Tumare tchen denn gar lengre mursh tchawende! Un lengre tchen lenn gar tumare mursh tchawenge, te romedinerenn le len.

5. Mose 7:4

Kol tcha anens tumare mursh tchawen o baro Debleskro dromestar tele, jaake te mangens le wawar deblen an. Palle wals o baro Debleskri choli pral tumende, un sik marals job tumen.

Josua 23:11

Doleske denn jak koi pre, – djal tumaro djipaske – te kamenn tumaro baro Debles o tselo djijestar!

1. Johanni 2:9

Koon penella: “Me djiwau o Debleha,” un krell peskro phraleske tchilatchepen, kowa djiwell gomme an o tchilatchepen. Kowa hi jaake, har te djiwell lo an i kali rat.

Čačepangre 14:3

Kote penas leskro dad un leskri dai ap leste: “Hi mank tire tsele menshende kek tchai tuke? Hatseh kek romni mank i tsele Israelitarja, te hunte djas tu pash i Filistarja, un less tuke i romni kolendar, kai gar tchinlo hi ap pengro mass?” O Simson penas ap peskro dad: “Koja le mange! Joi hi i shukar an mire jaka.”

Čačepangre 3:6

Un i Israelitarja lan penge lengre tchen un romedineran len. Un jon dan pengre tchen lengre tchawende, un mangan lengre deblen an.