Josua 22:9 - O Debleskro Drom 2021 (Sinte)

⁹ Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

O Debleskro Lab 2024 (Sinte-Manouche)

⁹ Kote djan i morsha dran i familya Ruben oun dran i familya Gad oun dran i paash familya Manasse penge pengre phralendar, kol vavar Israelitaryen. An o foro Shilo, hoy an o them Kanaan čiddo hi, kran le pen ap o drom, te djan le khere an o them Gilead. Kote his ko kotar them, hoy lenge dino vas, te vell lo lengro, yaake har o baro Devel ap o Moseste penas.

Josua 22:9 Iomraidhean Croise

2. Samuel 2:9

un kras, te well job baro rai pral i themma Gilead, Asser, Jesreel, Efrajim, Benjamin un pral o tselo Israel.

1. Familjakro liil 5:9

Un kote, kai o kham pre djala djiwan le bis an o mulo them dren, hoi pash o lengsto pani Eufrat tchiddo hi. Len his bud vieche an o tselo them Gilead.

Debleskri gili 60:7

Ab ap mari rig tiro sorelo wasteha un le men, tire malen, win! Shun, har dah ap tute gole!

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

4. Mose 32:20

O Mose penas ap lende: “Te kamenn tumer kowa tchatchepah te krell, palle lenn tumare chare un hoi tumen hunte well kurepaske, un djan an o kurepen glan o baro Debleste!

4. Mose 32:22

un bis te hi lo o rai pral ko them. Koi pal nai djan tumer pale pale, un kek doosh lan tumer ap tumende glan o baro Debleste un glan Israel. Un o them ap kai rig kate well tumende dino glan o baro Debleste.

4. Mose 32:26

“Mare tchawe un djuwja, halauter hoi men hi, un mare tsele vieche atchenn an kol forja an o them Gilead.

4. Mose 32:29

“Te djan i mursha dran o kheer Gad un dran o kheer Ruben tumentsa wergel o Jordan, un kurenn pen jaake rah glan o baro Debleste, bis te ko them tumenge hi, jaake denn lende ko them Gilead, te well kowa lenge.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 3:20

Tumer kurepangre, awenn tumare phralenge pash o wast jaake rah bis te lan le ko them dren, hoi o baro Dewel len della ap i wawar rig o panjestar Jordan, un bis te mukell lo len kote te djiwell kek kurepah, jaake har job ninna tumenge kras. Palle nai djan tumer pale an tumaro them, hoi tumende dom.”

5. Mose 34:1

Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,

Josua 13:11

o them Gilead; un ko them, kai djiwenn i Geshurarja un i Maachatarja; un i tsele berge, hoi kharenn Hermon; un ko tselo them Bashan bis pash o foro Salka;

Josua 13:25

Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.

Josua 13:31

Un o paash kol familjendar dran o kheer Machir – koleskro dad o Manasse his – kolen das o Mose o paash them Gilead. Kote hi kol forja Astarot un Edrei tchiddo, kai o rai pral Bashan, o Og, djiwas.

Josua 22:10

Un har wan le pash i khetne tchidde barra pash o pani Jordan, gomme an o them Kanaan, tchiwan le barra pre un kran i baro altaro.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 5:17

Un i mursha dran o Gilead atchan ap i wawar rig o panjestar Jordan. Un o Dan? Hoi krell job? Pash peskre shiffe atchell job. Pash o baro pani djiwell o Asser. Un kote atchas lo ninna beshdo.