Josua 22:5 - O Debleskro Drom 2021 (Sinte)

⁵ Un denn jak, te rikrenn o Debleskre laba un djan ap leskro drom, hoi sikras tumen o Mose, koles o baro Debleskro tchatcho wast his, har penas lo: Kamenn tumaro baro Debles o tselo djijestar. Djan ap leskre tsele dromma! Djiwenn pal leskre laba un mukenn les gar! Awenn leske koi o tselo djijestar un tumari tseli sorjah!”

O Debleskro Lab 2024 (Sinte-Manouche)

⁵ Oun denn yak, te rikrenn o Debleskre laba oun djan ap leskro drom, hoy sikras t'men o Mose, koles o baro Debleskro čačo vast his, har penas lo: Kamenn t'maro baro Debles o tselo djiyestar. Djan ap leskre tsele dromma! Djivenn pal leskre laba oun moukenn les gar! Avenn leske koy o tselo djiyestar oun t'mari tseli zoryah!”

Josua 22:5 Iomraidhean Croise

Debleskri gili 106:3

Bachteles hi kolla, kai leskre laba rikrenna, un hako tsiro o tchatchepen krenna.

Debleskri gili 78:7

jaake te rikrenn jon pengro tselo djijeha ap o Debleste, un bistrenn gar, hoi o Dewel lauter kras, un rikrenn lauter, hoi job penas,

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

2. Mose 20:6

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har i seri familje jek pal i wawar djiwenn.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Jeremia 12:16

Jon sikran mire menshende, har te denn le pen sowel ap o debleste Baal. Kanna well jaake: Te mukenn jon pen mire menshendar te sikrell, har te denn jon pen ap miro lab sowel, un penenn: Pash o djido Debleste … palle mukau len mashkral mire menshende te djiwell.

Mateo 22:37

Penas o Jesus ap leste: “Tu kamess tiro Debles o tselo djijestar an tiro tselo djipen, an lauter, hoi tu djineh.

Mateo 4:10

Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Mateo 6:24

Kek budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, kol wawares kamals job o djijestar. Tu nai budreh gar o Debleske un rodeh tiro brawlepen.

Louka 1:74

te lell lo men dran i tchilatche wasta win, te budrah nai leske, un trashah buder gar,

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Johanni 14:15

“Te kamenn tumer man o djijestar, krenn tumer, hoi me tumenge penom.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 27:23

Kai rat was i bolepaskro pash mande. Koles bitchras miro Dewel, koleske budrau.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

5. Mose 10:20

Un hunte shunenn ap tumaro baro Debleste un mangenn les kokres an. Rikrenn tumen ap leste kokres. Te denn tumen sowel, denn tumaro sowel pash leskro lab.

5. Mose 11:1

O Mose penas dureder ap i Israelitarjen: Tumer hunte kamenn tumaro baro Debles o tselo djijestar! Krenn lauter, hoi lo tumendar kamell. Rikrenn tumen ap leskre tchatchepaskre laba, un djiwenn pal leskre laba jaake rah har djiwenn.

5. Mose 11:13

Jaake shunenn ap kol laba, hoi tumenge kau diwes penau, te kamenn tumaro baro Debles o tselo djijestar un wenn leske koi tumari tseli sorjah.

5. Mose 11:22

Te krenn tumer kowa lauter, hoi me penom, te hunte krenn, un kamenn tumaro baro Debles tumaro tselo djijestar, un djan ap leskre tsele dromma, un rikrenn tumen ap leste,

5. Mose 4:29

An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.

5. Mose 4:4

Tumer, kai rikrenn tumen ap tumaro baro Debleste, tumer halauter djiwenn ninna kau diwes.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 5:10

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har serja familje jek pal i wawar djiwenn.

5. Mose 6:17

Rikrenn mishto o baro Debleskre laba un djiwenn jaake, har tumaro Dewel tumenge sikras. Krenn, hoi job tumendar kamell!

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Josua 23:8

O baro Dewel hi tumaro Dewel. Ap leste rikrenn tumen, jaake har ap leste rikran bis ap kau diwes.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

1. Samuel 12:20

O Samuel penas ap lende: “Ma darenn! Hi tchatcho, te kran tumer kau tselo tchilatchepen; kanna shunenn ap o baro Debleste un djan leskro drom tumaro tselo djijeha!

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”