Josua 22:11 - O Debleskro Drom 2021 (Sinte)

¹¹ Un i tikno tsiro pre shunan i wawar Israelitarja: Kol mursha dran i familja Ruben un dran i familja Gad un dran i paash familja Manasse kran i altaro pash o pani Jordan an o them Kanaan, ap koi rig o themestar Israel.

O Debleskro Lab 2024 (Sinte-Manouche)

¹¹ Oun i tikno tsiro pre shounan i vavar Israelitarya: Kol morsha dran i familya Ruben oun dran i familya Gad oun dran i paash familya Manasse kran i altaro pash o pani Yordan an o them Kanaan, ap koy rig o themestar Israel.

Josua 22:11 Iomraidhean Croise

Johanni 1:28

Har o Johanni kowa rakras, his job an o foro Betani ap i wawar rig o panjestar Jordan, kote, kai taufras lo i menshen.

Johanni 20:1

Sik taissarlake, pal o Debleskro diwes, har gomme rati his, was i Maria Magdalena pash ko mulengro kheer, un dikas, kai ko bar buder gar glan o wudar hi.

Johanni 20:12

Kote, kai o Jesus tchiddo his, dikas joi dui bolepangren an parne ripja beshdo. Ko jek his kote, kai leskro shero tchiddo his, un ko wawar, kai leskre herja his.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

Josua 2:7

Un kol bitchepangre tradan len palla ap ko drom, hoi pash o pani Jordan un koi wergel djal. Un har jon win glan o foro his, was o baro wudar pal lende pandlo.

Josua 22:10

Un har wan le pash i khetne tchidde barra pash o pani Jordan, gomme an o them Kanaan, tchiwan le barra pre un kran i baro altaro.

Josua 22:16

O baro Debleskre tsele menshe mukenn tumenge te penell: “Hawo tchilatcho koowa kran tumer ap o Israeleskro Debleste! Hoske mukan o baro Debles, un kran tumenge i altaro? Koleha perenn o baro Deblestar tele!

Josua 22:19

Te hi tumaro them tumenge pale-tchiddo, palle awenn wergel, un lenn tumaro kotar them pash mende an o them o baro Deblestar, kai leskro kheer tardo hi! Kote hi maro baro Debleskri chatchepaskri tardo. Ma krenn i wawar altaro! Koleha hadans tumen pral o baro Debleste un ninna pral mende.

Čačepangre 12:5

Un i mursha dran Gilead lan kol platse dren, kai nai djan le wergel o Jordan an o them Efrajim. Un hako kopo te was i Efrajimari, hoi ap o naashepen his, un penas “Muk man wergel te djal!” palle putchan i mursha dran Gilead lestar: “Hal tu i Efrajimari?” Un te penas lo “na-a”,