Josua 21:8 - O Debleskro Drom 2021 (Sinte)

⁸ Jaake dan i Israelitarja i Levitarjen kal forja un phub, kai lengre vieche nai chan, jaake har i barra peran, un jaake har o baro Dewel kowa o Moseske penas, te krenn le.

O Debleskro Lab 2024 (Sinte-Manouche)

⁸ Yaake dan i Israelitarya i Levitaryen kal forya oun phoub, kay lengre firhe nay rhan, yaake har i barra peran, oun yaake har o baro Devel kova o Moseske penas, te krenn le.

Josua 21:8 Iomraidhean Croise

1. Mose 49:5

O Simeon un o Levi hi phrala. Lengre charentsa maran le.

1. Mose 49:7

Lengri choli chatchrell sik baro. An lengri choli krenn le sawo tchilatcho dareno koowa. Doleske wenn le praassedo! Kamau te wenn le jaake tradedo, te atchenn le buder gar khetne an Israel. Awa, kate te kote an o tselo them hunte djiwenn lengre tchawen, kai pal lende wenna.

Gosewe laba 16:33

O mensho witsrell tikne kashta, te djinell lo, hoi te krell. Har le perenn, kowa well o baro Deblestar.

Gosewe laba 18:18

Te tchingrenn pen dui sorele, un tikne kashta wenn witsedo, te well diklo, kones tchatcho hi, djal o tchingepen krik, un jon mukenn pendar tele.

4. Mose 32:2

Koi wan le pash o Moseste un ko rashajeste Eleasar un pash kol pralstunende pral i Israelitarja, un penan ap lende:

4. Mose 33:54

Un tumer hunte denn hakenes i kotar them. Witsrenn i bachtjakre barra, te hatsenn win, hawe menshe hawo kotar them lenna. Kal familjen, kolen bud menshe hi, hunte denn bud them. Un kol familjen, kolen gar bud menshe hi, hunte denn gar jaake bud.

4. Mose 35:3

te hi len forja, kai djiwenn le un them lengre viechenge, kai lengre grumja, bakre un wawar vieche nai chana.

Josua 18:6

Tumer tchinenn an i liil, fun kai bis kai kol efta kotja them djana. Un te kran kowa, palle anenn mange, hoi pre tchinan! Un me witsrau glan maro baro Debleste i barra, hoi sikrenn, koon hoi lella.

Josua 21:3

Kote dan i Israelitarja i Levitarjen forja un kotja phub i viechenge ko themestar, hoi lenge dino was, jaake har o baro Dewel penas, te krenn le kowa.

Josua 21:7

Un kol familje dran o kheer Merari lan 12 (deesh-te-dui) forja an i themma Ruben, Gad un Sebulon.

Josua 21:9

Har i barra witsedo wan, peran le glanstunes ap i Levitarja dran o kheer Kohat, kolengro phuro dad o Aron his. An o them Juda un Simeon lan le kol forja: