Josua 21:44 - O Debleskro Drom 2021 (Sinte)

⁴⁴ Un o baro Dewel kras, te well len kek kurepen kol thementsa trul lende, jaake har lo pes glan lengre phurende sowel das, te krell lo kowa. Un kek, kai kamas pes lentsa te kurell, was sorleder har jon. Kolen lauteren das o baro Dewel an lengro wast.

O Debleskro Lab 2024 (Sinte-Manouche)

⁴⁴ Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Josua 21:44 Iomraidhean Croise

2. Familjakro liil 13:16

Un i Israelitarja nashan penge glan i lurdende dran Juda, un o Dewel das len an lengro wast.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 33:14

O Dewel penas: “Me djau glan tute un anau tut an i them, kai tu khere hal.”

Jesaja 63:14

Har grumja, kai djan i berga tele, te hatsenn le senlepen, jaake anas o baro Dewel peskre menshen kote, kai len doha djipaske his. Awa, baro Dewel, jaake anal tu len pengro drom, un kral tuke i railo lab.

5. Mose 2:36

Maro baro Dewel das i tsele forja an mare wasta: ko foro Aroer, hoi pash o lengsto pani Arnon tchiddo hi, un ko foro hoi tella an o panjeskri tala tchiddo hi, un i tsele forja bis pash o them Gilead. Kek foro his koi, hoi sorleder his har mer.

5. Mose 21:10

Te djan tumer an o kurepen, un tumaro baro Dewel dell kolen, kai kurenn pen tumentsa an tumaro wast, jaake te anenn tumer lendar pandlen krik,

Hebrearja 4:9

Jaake dikah: Hi gomme i tsiro, kai nai wenn i menshe pash o Debleste, kai jon hako tsiro khere nai wenna.

Josua 1:13

“Ma bistrenn ko lab, hoi penas tumenge o Mose, koles o baro Debleskro tchatcho wast his. Job penas: O baro Dewel, kai tumaro Dewel hi, job kras, te wan khere un das tumen kau them.

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

Josua 11:12

Ninna kol tsele wawar forja las o Josua dren un das kolen o chareha mulo, kai koi dren his, ninna lengre bare rajen. Kowa kras lo jaake har o Mose, o baro Debleskro budepaskro, leske penas.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Josua 11:8

Un o baro Dewel das len an o Israeleskro wast. Un jon dan len, un lan len palla bis pash ko baro foro Sidon un bis pash Misrefot-Majim un bis an ko telstuno them Mizpe kote kai o kham pre djala. Un jon maran len lauteren un mukan kekes krik te nashell.

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Josua 23:1

Bud bersha djan trujel, kai kras o baro Dewel, te nai djiwan i Israelitarja an o latchepen kol thementsa trul lende. Kek kolendar kuras pes lentsa. Un o Josua was phuro. Les his i lengsto djipen.