Josua 21:11 - O Debleskro Drom 2021 (Sinte)

¹¹ Kirjat-Arba, hoi his kharedo pal o mursheste Arba, kolestar i Anakarja wenn, un i phub trul o foro trujel, kai i vieche nai chan; kau foro hi kanna Hebron un hi tchiddo an i berge Juda.

O Debleskro Lab 2024 (Sinte-Manouche)

¹¹ Kiryat-Arba, hoy his kharedo pal o morsheste Arba, kolestar i Anakarya venn, oun i phoub troul o foro trouyel, kay i firhe nay rhan; kava foro hi kanna Hebron oun hi čiddo an i berge Youda.

Josua 21:11 Iomraidhean Croise

1. Mose 23:2

Un joi meras an o foro Kirjat-Arba. Kowa hi kanna Hebron an o them Kanaan. Un o Abraham was pash late, rowas un das i djijestar gole pral lakro merepen.

1. Mose 35:27

Un o Jakob was pash peskro dadeste Isaak an Mamre pash o foro Kirjat-Arba. Kowa hi kanna Hebron, kai ninna o Abraham un o Isaak djiwan.

2. Samuel 15:7

Pal star bersha penas o Absalom ap o baro rajeste: “Me kamau an o foro Hebron te djal, te dap o baro Debleste kowa, hoi dom man sowel, te dap les.

1. Familjakro liil 6:55

Un kol menshende, kai pral atchan dran o kheer Kohat, dan le i forja Aner un Bileam an o them koi paash familjatar Manasse, khetne koi phub trul i forja i viechenge.

Louka 1:39

Pal i tikno tsiro djas i Maria jaake sik har djala an i foro an o pralstuno them Judea.

Josua 14:15

O foro Hebron kharas glan kowa Kirjat-Arba pal o barester mursh mank i Anakarja. Un o kurepen his trujel an o them Kanaan, un i menshe nai djiwan an latchepen khetne.

Josua 15:54

Humta, Kirjat-Arba – kowa hi kanna Hebron, un Zior. Kolla hi enja forja, un koi pashel lengre gaba.

Josua 21:12

Ko hachetikri phub pash o foro un i gaba koi trujel dan le o mursheste Kaleb, koleskro dad o Jefunne his, te well kau them leskro.

Čačepangre 1:10

Un palle kuran le pen kolentsa an o them Kanaan, kai an o foro Hebron djiwenn. – Un ko foro kharas glan ko tsiro Kirjat-Arba. – Un jon dan i familjen Sheshai un Ahiman un Talmai un his sorleder har jon.

1. Samuel 30:31

un Hebron, un an kol tsele gaba, kai o David peskre murshentsa dren un win djas.