Josua 21:1 - O Debleskro Drom 2021 (Sinte)

¹ Kote djan i pralstune pral i familje dran o kheer Levi glan o rashajeste Eleasar un glan o Josua, koleskro dad o Nun hi, un glan i pralstunende pral i familje dran o tselo Israel.

O Debleskro Lab 2024 (Sinte-Manouche)

¹ Kote djan i pralstoune pral i familye dran o kheer Levi glan o rashayeste Elazar oun glan o Yosua, koleskro dad o Noun hi, oun glan i pralstunende pral i familye dran o tselo Israel.

Josua 21:1 Iomraidhean Croise

1. Mose 49:7

Lengri choli chatchrell sik baro. An lengri choli krenn le sawo tchilatcho dareno koowa. Doleske wenn le praassedo! Kamau te wenn le jaake tradedo, te atchenn le buder gar khetne an Israel. Awa, kate te kote an o tselo them hunte djiwenn lengre tchawen, kai pal lende wenna.

2. Mose 6:14

Kalla hi i laba kol phure dadendar, kolendar i Israelitarja wan: O Ruben his o Israeleskro phureder tchawo. Leskre tchawe hi: o Henoch, o Pallu, o Hezron un o Karmi. Lendar wan bare familje, kolengro phuro dad o Ruben his.

2. Mose 6:25

O Aroneskro tchawo, o Eleasar, las peske i romni. Kolakro dad his o Putijel. Un joi las i tchawo, o Pinhas. Kal phure dadendar wenna bare familje, jon hi lauter Levitarja.

4. Mose 35:1

Un o baro Dewel rakras o Moseha an o telstuno them Moab pash o pani Jordan, ap i wawar rig o forestar Jericho, un job penas:

4. Mose 35:8

Hakeni kol deesh-te-dui bare familjendar an Israel hunte dell lenge peskre forjendar. Kolen, kai bud them un forja hi, kolla hunte denn i Levitarjen budeder forja har kolla, kai len gar bud hi.

Josua 14:1

Un kalla hi kol kotja them, hoi i Israelende dino wan an o them Kanaan. O rashai Eleasar un o Josua, koleskro dad o Nun his, khetne kol pralstunentsa pral i bare familjende, jon his kolla, kai dan ko them win, te lell haki familja peskro kotar them.

Josua 17:4

Un kolla djan pash o rashai Eleasar un pash o Josua, koleskro dad o Nun his, un pash i wawar pralstunende, un penan: “O baro Dewel penas ap o Mose, te dell lo men i them jaake har i murshende an mari bari familja.” Un jaake kran i mursha, hoi o baro Dewel penas, un dan i tchen i them jaake har dan le lengre kakende.

Josua 19:51

Un jaake dan o rashai Eleasar un o Josua, koleskro dad o Nun his, khetne kol pralstunentsa pral kol 12 (deesh-te-dui) bare familje hakeneste peskro them, jaake har i barra sikran, hoi le witsran. Kowa was kerdo, har his le khetne glan o baro Debleste, glan o wudar leskro plachteno kherestar an o foro Shilo. Un jaake las kote hakeno peskro kotar them.