Josua 2:4 - O Debleskro Drom 2021 (Sinte)

^4-6 Koi djuwel anas kol dui murshen pral pre ap o kheer un khatras len tel flachstikre ranja, hoi kote tchiddo his. Un joi penas ap kol bitchepangre o baro rajestar: “Awa, dui mursha wan pash mande. Me djinom gar, dran hawo them jon wenn. Un ap i rat, gomme glan ko tsiro, kai o foreskre bare wudja pandlo wenn, djan kol dui mursha pale win. Me djinau gar, kai le djan. Kanna nashenn lenge sik palla! Palle taprenn len gomme!”

O Debleskro Lab 2024 (Sinte-Manouche)

^4-6 Koy djouvel anas kol douy morshen pral pre ap o kheer oun khatras len tel flakstikre ranya, hoy kote čiddo his. Oun yoy penas ap kol bičepangre o baro rayestar: “Ava, douy morsha van pash mande. Me djinom gar, dran havo them yon venn. Oun ap i rat, gomme glan ko tsiro, kay o foreskre bare voudya pandlo venn, djan kol douy morsha pale vin. Me djinau gar, kay le djan. Kanna nashenn lenge sik palla! Palle taprenn len gomme!”

Josua 2:4 Iomraidhean Croise

2. Rajengro liil 6:19

Un o Elisa penas ap lende: “Kowa hi gar ko drom un gar ko foro. Djan mange pal! Me anau tumen pash ko mursheste, koles tumer rodenna.” Un job anas len an Samaria.

2. Mose 1:19

Kol chatchede chalja penan ap o Farao: “Kol hebretikre djuwja hi gar jaake har kol egiptikre djuwja, jon hi sorleder djuwja. Glan kowa, kai mer wah, hi i tchawe boldo.”

Jakobo 2:25

Ninna koi lubni Rahab was tchatcho un erligo glan o Debleste, har joi ko latcho koowa kras. Joi phukras gar ap kol dui bitchepangre dran Israel, kai wan an lakro foro, te dikenn le, har sorelo o foro hi. Joi khatras len, un anas len ap i wawar drom dran ko foro win.

Josua 2:3

Koi bitchras lo murshen pash i Rahab un mukas lake te penell: “De kol murshen win, kai pash tute an tiro kheer wan. Jon wan te dikenn le, har sorelo maro them hi.”

Josua 6:17

Un o foro un halauter hoi dren hi, hi o baro Debleske. Kek mensho un kek viecho nai atchell djido. Kokres koi lubni Rahab atchell djido, joi un halauter, hoi pash late an o kheer hi. Joi khatras kol murshen pash peste, kolen mer bitchram.

Josua 6:25

Un jaake mukas o Josua koi lubni Rahab te djiwell, ninna lakre menshen, un halauter, hoi lat his. Kowa kras job doleske, kai khatras li kol murshen, kolen job bitchras, te dikenn le pen tchorchanes an o foro Jericho trujel. Un joi djiwas mank i Israelitarja. Un kolla, kai pal late wan, djiwenn gomme kau diwes kote.