Josua 2:18 - O Debleskro Drom 2021 (Sinte)

¹⁸ Te wah an o them, palle pande kau lolo shello an koi wali, kai tu men tele mukal! Un le tiro dades un tiri dat un tire phralen un tiri tseli dadeskri familja pash tute an tiro kheer khetne!

O Debleskro Lab 2024 (Sinte-Manouche)

¹⁸ Te vah an o them, palle pande kava lolo shello an koy vali, kay tou men tele moukal! Oun le tiro dades oun tiri dat oun tire phralen oun tiri tseli dadeskri familya pash toute an tiro kheer khetne!

Josua 2:18 Iomraidhean Croise

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 7:1

Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

Ester 8:6

Har nai dikap me sawi bari bibacht, hoi mire menshenge well? Un har nai wap me kote pashel tardo, te denn le mire tsele menshen mulo, un krau tchi?”

2. Mose 12:13

O rat ap i khera sikrell mande, kai tumer han. Un dikau me o rat, djau me dureder, te djal tumenge tchi. Un ko merepen, hoi anau ap o them Egiptia, well gar ap tumende.

Kamlepaskri gili 4:3

Har i loli dori hi tiro mui, un tiro rakepen hi kamlo. Lolo har i phabi hi tire tchamja pal tiro diklo.

3. Mose 14:4

palle penell o rashai, te anenn le dui djide tchirkle, hoi hi gar pale-tchiddo, ninna zedertikro kasht, un lole thaba, un patria i burrestar, hoi kharell Ysop.

4. Mose 19:6

Un ko rashai hunte lell kasht ko rukestar, hoi kharella ‘Zeder’, ninna patria ko burestar, hoi kharella ‘Ysop’, ninna lolo bakrengro bal, un witsrell kowa ap koi grumjate, hoi chatchella.

4. Mose 4:8

Pral kowa halauter hunte tchiwenn le i plachta, hoi hi lolo har jag, un koi pral i latchi ledertikri plachta, un tchiwenn i hidjepaskre kashta an pengre gustria.

Louka 19:9

Penas o Jesus ap leste: “Kau diwes las o Dewel i menshen an kau kheer dran o tchilatchepen win. Ninna kawa rom hi o Abrahameskro tchawo.

Bičepangre 10:27

Un har jon jaake rakran, djan jon an o kheer, un hatsan bud menshen kote, kai khetne wan.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Bičepangre 11:14

Kowa penell tuke, har leh tu un i menshe an tiro kheer o Debleskro djipen.

2. Timoteo 1:16

Me mangau o Debles miro phraleske, o Onesiforo un i menshenge an leskro kheer, te well lo lenge latches. O Onesiforo kras bud kope miro dji soreles, un ladjas pes gar mange, har homs stildo.

Hebrearja 9:19

Kowa lauter djas jaake: O Mose penas i menshenge kol laba, hoi an ko liil tardo hi, kai tchinlo hi, har te djiwenn le. Palle las lo i grumjengro rat un i bakrengro rat, das pani pashel, un las i kasht, hoi kharella Ysop, pandas lole bakrengre balla pral pre, un tchiwas ko kasht i ballentsa an o rat, un tchoras ko rat ap ko liil un ap kol menshende,

Josua 2:21

“Awa”, penas li, “jaake har tumer penan, jaake well ninna!” Un joi mukas len te djal. Un har jon penge djan, pandas li ko lolo shello an i wali.

Josua 6:23

Kote djan kol dui mursha, kai pen an ko them trujel dikan, dren pash i Rahab un anan lat win, ninna lakro dades un lakri dai, lakre phralen un halauter, kai lake budrenn, un lakre tsele menshen, un dan len i platsa win glan koi platsa, kai i Israelengre plachtene khera tardo his.

Josua 6:25

Un jaake mukas o Josua koi lubni Rahab te djiwell, ninna lakre menshen, un halauter, hoi lat his. Kowa kras job doleske, kai khatras li kol murshen, kolen job bitchras, te dikenn le pen tchorchanes an o foro Jericho trujel. Un joi djiwas mank i Israelitarja. Un kolla, kai pal late wan, djiwenn gomme kau diwes kote.