Josua 2:1 - O Debleskro Drom 2021 (Sinte)

¹ Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

O Debleskro Lab 2024 (Sinte-Manouche)

¹ Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 2:1 Iomraidhean Croise

1. Mose 42:16

Bitchrenn jekes tumendar, te lell lo tumaro terneder phrales. Tumer wawar atchenn an o stilepen. Jaake dikau me, kai tumare laba tchatcho hi. Pash o djipen o baro rajestar! Te chochran man, djinau, kai han phukepangre.”

1. Mose 42:9

Un kowa, hoi job lendar suni das, was an leskro shero. Un job penas ap lende: “Tumer han phukepangre un kamenn te dikenn, har sorelo o them hi. Dran kowa han tumer kai.”

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

4. Mose 13:1

Un o baro Dewel rakras o Moseha un penas:

4. Mose 13:2

“Bitche murshen, te hatsenn le win, har sorelo ko them Kanaan hi! Kau them kamau me i Israelitarjen te dell. Bitche jek murshes dran haki bari familja, hoi well kol deesh-te-dui Jakobeskre tchawendar! Bitche kolen, kai hi i pralstune pral pengre menshende!”

4. Mose 25:1

Un i Israelitarjen his pengre plachtene khera pash o foro Shittim. Kote mukan pen i mursha dren kol tchentsa dran o them Moab.

4. Mose 33:49

Kote an o telstuno them Moab tchiwan i Israelitarja pengre plachtene khera pre pash o pani Jordan, mank Bet-Jeshimot un Abel-Shittim.

Mateo 1:5

Koleskro tchawo his o Boas. Koleskri dai his i Rahab. O Boas las i tchawes. Kowa his o Obed. Koleskri dai his i Rut. O Obed las i tchawes. Kowa his o Isai.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Efesarja 5:5

Tumer hunte djinenn: An o bolepen, kai hi o Jesus Kristo un o Dewel i raja, kote wenn kek mursha dren, kai sowenn wawar djuwjentsa, witar kek djuwja, kai sowenn wawar murshentsa, witar kek, kai krell djungelo koowa, witar kek, kai nashell pal i lowe. Kowa, kai nashell pal i lowe, koleske hi o brawlepen peskro dewel.

Hebrearja 11:31

Ninna i lubni Rahab patsas ap o Debleste, un las kol murshen an lakro kheer dren, kolen o Mose bitchras, te dikenn le, har sorelo o foro Jericho hi. Jaake was i Rahab gar maredo khetne kol wawar menshentsa an ko foro, kai prindjran o Debles gar.

Jakobo 2:25

Ninna koi lubni Rahab was tchatcho un erligo glan o Debleste, har joi ko latcho koowa kras. Joi phukras gar ap kol dui bitchepangre dran Israel, kai wan an lakro foro, te dikenn le, har sorelo o foro hi. Joi khatras len, un anas len ap i wawar drom dran ko foro win.

Josua 1:18

Un hakeno, kai gar ap tute shunell, un witar gar ap kol tsele laba, hoi tu menge peneh, te kras mer, kowa well mulo dino! Tu, ab soreles un ma traash!”

Josua 2:2

An kai rat was o baro rajeske pral o foro Jericho penlo: “Shun, an kaja rat wan mursha kol menshendar Israel an o foro, te dikenn le tchorchanes, har sorelo maro them hi.”

Josua 21:31

Helkat un koi phub trul o foro, kai i vieche nai chan; Rehob un koi phub trul o foro, kai i vieche nai chan.

Josua 3:1

Un o wawar diwes stas o Josua un i tsele Israelitarja sik pre, mukan i platsa Shittim pal pende, djan dureder un wan pash o pani Jordan. Kote atchan le i tikno tsiro, bis te nai djan le wergel.

Josua 5:10

Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.

Čačepangre 1:23

Un jon bitchran tchorchanes murshen an o foro dren, te dikenn le pen dren trujel. Ko foro kharas glan ko tsiro Lus.

Čačepangre 18:14

Un kol pantch mursha, kai dikan pen tchorchanes trujel an o them pash Lajish, kolla penan ap pengre phralende: “Djinenn tumer, te hi an kawa kheer i rashajeskri damdira un i khereskro dewel, ninna i kashteni figura, kai rup pral tchoredo hi? Denn jak, hoi krenn kanna!”

Čačepangre 18:2

Un i mursha dran o kheer Dan rodan pantch murshen pengre menshendar win, tchatche murshen dran i forja Zora un Eshtaol, un bitchran len, te dikenn le pen an o tselo them trujel un rodenn, kai le nai atchens. Un jon penan ap lende: “Djan koi, rodenn an o tselo them, kai nai atchah.” Un jon wan an i berge Efrajim an o kheer, kai o Micha djiwell, un jon atchan kote pral i rat.