Josua 18:16 - O Debleskro Drom 2021 (Sinte)

¹⁶ Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,

O Debleskro Lab 2024 (Sinte-Manouche)

¹⁶ Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,

Josua 18:16 Iomraidhean Croise

2. Samuel 17:17

O Jonatan un o Ahimaaz his tardo pash o pani, hoi kharell Rogel. Jon nai mukan pen gar an o foro te dikell. Un i budepaskretsa was pash lende un penas lenge, hoi jon hunte penenn o Davideske.

2. Samuel 5:18

Un i Filistarja wan, un his an koi tseli tala Refajim.

1. Rajengro liil 1:9

Un o Adonija kras i baro chapen pash o bar, hoi kharell Sohelet pash o pani Rogel. Un anas bakren un grumjen un thulle terne grumjen o Debleske, [te wenn leske kol feteder kotja mass chatchedo, un te chan le ko wawar mass.] Un peskre phralenge, o baro rajeskre wawar tchawenge, mukas lo te penell, te wenn le pash o chapen. Ninna i tsele wawar murshenge dran Juda, kai budran an o baro rajeskro kheer, mukas lo te well.

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

1. Familjakro liil 14:9

Un i Filistarja wan, un his an koi tseli tala Refajim.

2. Familjakro liil 28:3

un chatchras sungepaskro koowa an i tala, hoi kharell Ben-Hinnom. Ninna chatchras lo peskre tchawen i chochene deblenge. Jaake kras lo sawo djungelo koowa, har i menshe an wawar themma kran, – sawe menshe har kolla, kai o baro Dewel glan i Israelende dran o them tradas.

2. Familjakro liil 33:6

Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

Jesaja 30:33

I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.

Jeremia 19:11

Pen ap lende: Kowa penell o baro Dewel, ko rai pral o bolepen un i phub: Me dau paash kal menshen un kau foro, har deh sorjah i khoro jaake paash, kai nai kreh kowa gar buder tselo. Un i menshe paskrenn i mulen ap i platsa Tofet, – kek wawar platsa hi lenge koi.

Jeremia 19:2

Un dja win an koi tala Ben-Hinnom, kai glan ko foreskro wudar hi, kai i paash-dine pirja tchiddo hi. Un pen i menshenge kol laba, hoi me tuke penau.

Jeremia 19:6

Doleske well i tsiro, kai penenn jon ap kai platsa gar buder ‘Tofet’ un ‘tala Hinnom’. Jon penenn koi pre ‘marepaskri platsa’.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Josua 15:63

I mursha dran o kheer Juda nai tradan i Jebusarjen gar win dran o foro Jerusalem. Doleske djiwenn jon kote khetne i menshentsa dran o kheer Juda bis ap kau diwes.

Josua 18:28

Zela, Elef, un ko foro, kai djiwan i Jebusarja, hoi hi kanna Jerusalem, ninna i forja Gibea un Kirjat-Jearim. Kolla hi khetne 14 (deesh-te-star) forja un lengre gaba. Kawa hi o them, hoi lan i familje dran o kheer Benjamin.

Čačepangre 1:21

An o foro Jerusalem djiwan i Jebusarja. Un i mursha dran o kheer Benjamin tradan len gar win. Jaake atchan i Jebusarja pash i Benjaminarja an o foro Jerusalem, un djiwenn gomme kau diwes koi khetne.

Čačepangre 1:8

Un i mursha dran o kheer Juda maran pen ko foreha Jerusalem un lan les dren. Un jon dan kolen o chareha temerl, kai kote djiwan, un chatchran o foro pre.

Čačepangre 19:10

Ko mursh kamas gar buder pral i rat te atchell, un hadas pes un djas peske. Un job was bis pash o foro Jebus. Kowa hi Jerusalem. Un les his kol dui esle pash peste, ap kolende lengro koowa his, un peskri djuwel un peskro budepaskro.