Josua 18:10 - O Debleskro Drom 2021 (Sinte)

¹⁰ Un o Josua witsras kol barra glan o baro Debleste an o foro Shilo. Un jaake har i barra peran, das o Josua i Israelende dran kol efta khera pengro them, haki bari familjake peskro kotar.

O Debleskro Lab 2024 (Sinte-Manouche)

¹⁰ Oun o Yosua vitsras kol barra glan o baro Debleste an o foro Shilo. Oun yaake har i barra peran, das o Yosua i Israelende dran kol efta khera pengro them, haki bari familyake peskro kotar.

Josua 18:10 Iomraidhean Croise

1. Familjakro liil 24:5

An kol dui khera his pralstune pral o Debleskro kheer un rashaja. Un jon witsran barra, te dikenn le, hawi budi hakeno hunte krella.

Nehemia 11:1

Un i pralstune pral i Israelitarja djiwan an o foro Jerusalem. Un i tsele wawar familje witsran kashta, te rodenn le jek familja dran deesh win. Un kolla te djan ninna an o Debleskro foro Jerusalem, te djiwenn le koi. Un kol enja wawar familje atchan an i wawar gaba un forja.

Debleskri gili 47:4

Job witsras menge i menshen dran wawar themma tel mare pire, un tchiwas men pral lende.

Debleskri gili 61:5

Muk man an tiro kheer te djiwell hako tsiro, tel tire mussja man te khatrell, har i tikno tchirklo khatrell pes tel peskri dakre mussja.

Gosewe laba 18:18

Te tchingrenn pen dui sorele, un tikne kashta wenn witsedo, te well diklo, kones tchatcho hi, djal o tchingepen krik, un jon mukenn pendar tele.

Jeremia 7:12

Djan pash ko foro Shilo, kai glan rah tsiro miro kheer tardo his. Un dikenn, hoi me kote krom doleske, kai mire menshe Israel tchilatchepen kran.

Ezekiel 47:22

Kau them hi tumare familjenge, un well o dadestar ap o tchaweste dureder dino. Te witsrenn tumer kashta, hoi sikrenn, koon hawo kotar them lella, palle bistrenn gar kol wi-themarjen, kai mank tumende djiwenn, un kolenge pash tumende tchawe boldo wan! Jon hunte wenn tumenge har jek fun tumendar Israelitarja. Un khetne tumentsa lenn le pengro kotar them, un kowa atchell an lengre familje.

Ezekiel 48:29

Kawa hi o them, hoi denn tumer i bare familjenge, kai wenna kol 12 (deesh-te-dui) tchawendar o Jakobestar, te lell hakeni peskro kotar them. Kau them hi hako tsireske i Israelenge, un well o dadestar ap o tchaweste dureder dino. Kawa penell o baro Dewel, maro rai.

Micha 2:5

An ko tsiro, kai lenn o baro Debleskre menshe pengro them pale, lenn tumer kek kotar.

4. Mose 34:16

Un o baro Dewel rakras o Moseha un penas:

Mateo 27:35

Un jon dan les ap o trushel. Un palle khelan le pral leskre koola, te dikenn le, hoi hakeno lella.

Johanni 17:2

Tu dal les i soor pral i tsele menshende, te dell job lauteren, kai tu les dal, o djipen, hoi gar pre-herella.

Bičepangre 13:19

Palle tradas job efta natsjone dran ko them Kanaan win, un das kau them mare menshende.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Kolossarja 1:12

Parkrenn tumen o tselo djijestar pash o Debleste, kai hi tumaro dad an o bolepen! Job kras tumen moldo, te djiwenn tumer khetne i wawar patslentsa pash leste an o bolepen, kai hi kek tamlepen.

Josua 14:2

Jaake har o baro Dewel kowa o Moseske penas, witsran le barra, hoi sikrenn, hawo them hakeno kol enja-te-paash bare khera lella.

Josua 14:5

Un jaake har o baro Dewel ap o Mose penas, te krenn le, jaake kran i Israelitarja un dan o them win.

Josua 18:11

Un i barra peran o Benjamineske un leskre familjenge. Un jon lan o them mashkral o them Juda un o them, hoi o Josefeskre tchawe lan.

Josua 18:6

Tumer tchinenn an i liil, fun kai bis kai kol efta kotja them djana. Un te kran kowa, palle anenn mange, hoi pre tchinan! Un me witsrau glan maro baro Debleste i barra, hoi sikrenn, koon hoi lella.

Josua 18:8

Un kol wi-rodede mursha kran pen ap o drom. Un har le win djan, penas o Josua ap lende: “Djan an o tselo them trujel, un tchinenn les pre, un palle wenn pale pash mande! Un kate an o foro Shilo witsrau palle i barra glan o baro Debleste tumenge.”

Josua 18:9

Jaake djan kol mursha koi, un djan an o tselo them trujel, tchinan i tsele forja an i liil, un kran efta kotja kau themestar. Un palle wan le pale pash o Josua ap koi platsa, kai i Israelitarja his pash o foro Shilo.

Josua 19:51

Un jaake dan o rashai Eleasar un o Josua, koleskro dad o Nun his, khetne kol pralstunentsa pral kol 12 (deesh-te-dui) bare familje hakeneste peskro them, jaake har i barra sikran, hoi le witsran. Kowa was kerdo, har his le khetne glan o baro Debleste, glan o wudar leskro plachteno kherestar an o foro Shilo. Un jaake las kote hakeno peskro kotar them.

Josua 23:4

Dikenn, me dom tumen ko tselo them mank o pani Jordan un ko Baro Pani, hoi kote tchiddo hi, kai o kham tele djal. Jaake har i barra peran, dom tumare deesh-te-dui bare familjen lengro kotar them, ninna ko them, kolengre menshe gomme gar win tradedo hi.