Josua 18:1 - O Debleskro Drom 2021 (Sinte)

¹ Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

O Debleskro Lab 2024 (Sinte-Manouche)

¹ Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Josua 18:1 Iomraidhean Croise

2. Samuel 7:6

Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer har djom lentsa trujel. An ko tselo tsiro penom me kekeske, kai das garda ap mire menshende Israel: ‘Hoske kreh tu mange kek kheer dran zedertikro kasht?’

1. Rajengro liil 14:2

Kote penas o Jerobeam ap peskri romjate: “Rib tuke wawar ripja pral, te dikell kek, te hal tu miri romni. Un dja an o foro Shilo! Kote hi o Achija, ko Debleskro rakepaskro. Kowa penas mange, te wap o rai pral o them Israel.

1. Rajengro liil 14:4

Un leskri romni kras kowa, un kras pes ap o drom, un djas an o foro Shilo, un was an ko kheer, kai o Achija djiwell. O Achija his jaake phuro, te nai dikas lo buder gar.

1. Rajengro liil 2:27

Jaake bitchras o Salomo o Abjatares khere, te atchell job buder gar rashai glan o baro Debleste. Jaake was ko lab o baro Deblestar tchatchepen, hoi job penas pral o kheer o rashajestar Eli, kowa, kai djiwas an o foro Shilo.

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Debleskri gili 78:60

Un job mukas peskro kheer an o foro Shilo, kote, kai job mank peskre menshende djiwas.

Debleskri gili 78:66

Un job das kolen, kai kuran pen peskre menshentsa un tradas len pale. Lengri ladj atchas hako tsireske ap lende.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 26:9

Hoske peneh tu glan-wi an o baro Debleskro lab: Kau khereske djal har koleske an Shilo? Hoske peneh, kai kau foro well jaake paash dino, te djiwell buder kek koi dren?” Un i tsele menshe wan trul leste an o baro Debleskro kheer.

Jeremia 41:5

wan ochta-deesh mursha dran i forja Sichem, Shilo un Samaria. Lengre tchora his tele tchinle, un lengre ripja paash, un jon tchinan pen ap pende kokres, te sikrenn le kai lenge ropaske hi. Un jon hidjran chapen pash pende o baro Debleske, un sungepaskro koowa, te anenn le kowa an o baro Debleskro kheer.

4. Mose 32:22

un bis te hi lo o rai pral ko them. Koi pal nai djan tumer pale pale, un kek doosh lan tumer ap tumende glan o baro Debleste un glan Israel. Un o them ap kai rig kate well tumende dino glan o baro Debleste.

Bičepangre 7:45

Mare phure hidjran kau kheer lentsa, bis te anas len o Josua an o them Kanaan. Kote djiwan wawar menshe, kai o Debles gar prindjrenna. Kolen tradas o Dewel win, un das ko them mare phurende. O Debleskro tikno kheer dran viechengre balla atchas an o them Kanaan un his gomme koi, har o David o baro rai was.

Josua 18:2

his gomme i Israelitarja dran efta khera, kolenge pengro kotar them gomme gar dino was.

Josua 18:8

Un kol wi-rodede mursha kran pen ap o drom. Un har le win djan, penas o Josua ap lende: “Djan an o tselo them trujel, un tchinenn les pre, un palle wenn pale pash mande! Un kate an o foro Shilo witsrau palle i barra glan o baro Debleste tumenge.”

Josua 19:51

Un jaake dan o rashai Eleasar un o Josua, koleskro dad o Nun his, khetne kol pralstunentsa pral kol 12 (deesh-te-dui) bare familje hakeneste peskro them, jaake har i barra sikran, hoi le witsran. Kowa was kerdo, har his le khetne glan o baro Debleste, glan o wudar leskro plachteno kherestar an o foro Shilo. Un jaake las kote hakeno peskro kotar them.

Josua 21:2

Un penan ap lende an o foro Shilo an o them Kanaan: “O baro Dewel penas o Moseske, te denn tumer men forja, kai djiwas, un kotja phub, kai mare vieche nai chan.”

Josua 22:12

Un har le kowa shunan, wan le halauter khetne an o foro Shilo, te djan le win, te kurenn le pen lentsa.

Josua 22:19

Te hi tumaro them tumenge pale-tchiddo, palle awenn wergel, un lenn tumaro kotar them pash mende an o them o baro Deblestar, kai leskro kheer tardo hi! Kote hi maro baro Debleskri chatchepaskri tardo. Ma krenn i wawar altaro! Koleha hadans tumen pral o baro Debleste un ninna pral mende.

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Čačepangre 18:31

Jon tchiwan koi figura, hoi o Micha kras, pash pende pre jaake rah, har o Debleskro kheer an o foro Shilo his.

Čačepangre 21:12

Un jon hatsan mank kolende, kai an o foro Jabesh an o them Gilead djiwan, 400 (star-sheel) tcha, kolen gomme kek mursh an-tapras. Un kolen anan le ap i platsa an o foro Shilo, hoi an o them Kanaan tchiddo hi.

Čačepangre 21:19

Un jon penan penge: “Hako bersh hi i baro chapen an o foro Shilo, kai wenn i menshe khetne te sharenn le o baro Debles.” [Shilo hi tchiddo ap i serwi rig o forestar Betel, un ap i tchatchi rig o forestar Lebona, pash ko drom, kai djal dran Betel an o foro Sichem, ap koi rig ko dromestar, kai o kham pre djal.]

1. Samuel 1:24

Un har job phuro doha his, las li les peha, un djas leha pre an o foro Shilo. Un las koi pashel jek triin-bershengro gurum un deesh kilogramme jarro un jek ledertikro gono pherdi mool, un anas kowa pash o baro Debleskro kheer. O tchawo his gomme terno.

1. Samuel 1:3

Un ko mursh djas hako bersh win dran peskro foro, te mangell lo an o foro Shilo o baro Debles an, ko rajes pral o bolepen un i phub, un te anell lo leske i vieches, hoi well leske maredo. Kote his dui phrala o baro Debleskre rashaja: o Hofni un o Pinhas. Kolengro dad his o Eli.