Josua 17:16 - O Debleskro Drom 2021 (Sinte)

¹⁶ I mursha dran o kheer Josef penan: “I berge hi gar bares doha menge. Un kol Kanaanitarja, kai djiwenn tele an o telstuno them, an o foro Bet-Shean un an kol gaba trujel, ninna an o telstuno them Jesreel, len hi sasterne kurepangre wurdja.”

O Debleskro Lab 2024 (Sinte-Manouche)

¹⁶ I morsha dran o kheer Yosef penan: “I berge hi gar bares doha menge. Oun kol Kanaanitarya, kay djivenn tele an o telstouno them, an o foro Bet-Shean oun an kol gaba trouyel, ninna an o telstouno them Yesreel, len hi sasterne kourepangre vourdya.”

Josua 17:16 Iomraidhean Croise

1. Rajengro liil 18:45

Un jaake was: Sik was o bolepen kalo, i sorelo ducho tradas kale wolke pash lende, un palle was i baro brishin. Un o Ahab beshas ap peskro wurdin un uleras tele an o foro Jesreel.

1. Rajengro liil 18:46

Un o baro Debleskri soor was ap o Elija, un job pandas i pereskri dori trul peskro ripen un nashas glan o Ahab, bis te wan le an o foro Jesreel.

1. Rajengro liil 21:1

Pal i tsiro djas kowa: O baro rajes Ahab dran Samaria his i kheer an o foro Jesreel. Koi pashel his i drakengro them. Kowa his i murshes dran Jesreel. Job kharas Nabot.

1. Rajengro liil 21:23

Ninna pral i Isebel rakras o baro Dewel un penas: ‘I djukle mu te chan i Isebel pash i massuri, hoi trul Jesreel hi.

1. Rajengro liil 4:12

O Baana, koleskro dad o Ahilud hi, job his o pralstuno pral i forja Taanach un Megiddo, un pral o tselo them pash o foro Bet-Shean – ko foro his pash o foro Zaretan tchiddo, tel o foro Jesreel, mank o foro Bet-Shean un o foro Abel-Mehola, bis pal o foro Jokneam.

2. Rajengro liil 9:10

Un i Isebel, i djukle chan lat pre ap ko kotar them pash Jesreel un kek hunte paskrell lat.” Un har job kowa penas, kras lo o wudar pre un nashas peske.

2. Rajengro liil 9:37

Un joi well har viechengro ful ap o them pash Jesreel. Kek penell nai buder: Kowa hi i Isebel.”

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Josua 15:56

Jesreel, Jokdeam, Sanoach,

Josua 17:11

An kol dui themma Asser un Issachar his forja tchiddo, kolla wan o Manasseske dino. Kal forja his: Bet-Shean, Jibleam un Dor, hoi kharell ninna Nafot-Dor; palle En-Dor, Taanach un Megiddo. Koi pashel his kol gaba, hoi his trul kal forja tchiddo.

Josua 17:15

Kote penas o Josua ap lende: “Te han tumer jaake bud menshe, te hi kol berge Efrajim gar bares doha tumenge, palle djan pre an o weesh an o them, kai i Perisarja un i Refajarja djiwenn, un denn kote kol ruka trujel, te well tumen budeder them.”

Josua 17:17

Kote penas o Josua ap kolende dran i khera Efrajim un Manasse: “Tumer han bud menshe, un doleske, kai jaake sorelo han, well tumen budeder har ko kotar them, hoi tumen kanna hi.

Josua 17:18

Kol berge, kai o weesh hi, wenn tumenge, jaake dur har o weesh hi. Tumer nai denn i ruka tele, un nai djiwenn koi. Un ninna i Kanaanitarjen nai tradenn win dran o them. Tumer wenn sorleder har jon, ninna te hi len sasterne kurepangre wurdja.”

Josua 19:18

An lengro them his kol forja: Jesreel, Kesullot, Shunem,

Čačepangre 1:19

O baro Dewel his i murshentsa dran Juda. Doleske las o Juda o pralstuno them dren. Kolla, kai an o telstuno them djiwan, len his sasterne wurdja o kurepaske. Doleske nai tradan le len gar win.

Čačepangre 4:13

Kote mukas o Sisera peskre tsele wurdja khetne gole te dell, 900 (enja-sheel) sasterne wurdja o kurepaske, un peskre tsele lurden, hoi pash leste hi, un djas lentsa dran o foro Haroshet-Gojim pash ko tikno pani, hoi kharella Kishon.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

Čačepangre 6:33

Un i tsele Midianarja un i tsele Amalekarja un kolla, kai wan kotar, kai o kham pre djala, wan khetne un djan wergel o pani Jordan un tchiwan pengre plachtene khera pre an o telstuno them Jesreel.

1. Samuel 29:1

I Filistarja lan pengre lurden khetne pash o foro Afek. Un o Israelengre lurde tchiwan pengre plachtene khera pre pash o tikno lengsto pani glan o foro Jesreel.