Josua 17:1 - O Debleskro Drom 2021 (Sinte)

¹ Un kowa hi ko them, hoi las o kheer Manasse, jaake har peran i barra. O Manasse his o Josefeskro phureder tchawo. Koleskro phureder tchawo his o Machir. Un koleskro tchawo his o Gilead. O Machir his i sorelo kurepaskro. Doleske las lo ko them Gilead un Bashan.

O Debleskro Lab 2024 (Sinte-Manouche)

¹ Oun kova hi ko them, hoy las o kheer Manasse, yaake har peran i barra. O Manasse his o Yosefeskro phoureder čavo. Koleskro phoureder čavo his o Makir. Oun koleskro čavo his o Gilead. O Makir his i zorelo kourepaskro. Doleske las lo ko them Gilead oun Bashan.

Josua 17:1 Iomraidhean Croise

1. Mose 41:51

Un o Josef das o phureder tchawes ko lab Manasse un penas: O Dewel kras te bistrap miri tseli bibacht un mire tsele menshen.

1. Mose 41:52

Un o duito tchawes das job ko lab Efrajim un penas: O Dewel das man tchawen an o them, kai djas mange gar mishto.

1. Mose 46:20

O Josefeske wan dui tchawe boldo an o them Egiptia: o Manasse un o Efrajim. Lengri dai his i Asnat. Kolakro dad his o rashai Potifera dran o foro On.

1. Mose 48:17

Har o Josef dikas, kai leskro dad tchiwas peskro tchatcho wast ap o Efrajimeskro shero, his leske kowa gar mishto. Un job tapras peskro dadeskro wast, te tchiwell lo les ap o Manasseskro shero.

1. Mose 48:18

Un o Josef penas ap peskro dadeste: “Kre gar jaake, tata! Kawa hi o phureder. Tchip tiro tchatcho wast ap leskro shero!”

1. Mose 50:23

Un job dikas i tchawengre tchawen peskro tchawestar Efrajim. Ninna i tchawe peskro tchaweskro tchawestar, o Machir, wan pash leste baro. O Machir his o Manasseskro tchawo.

2. Samuel 2:9

un kras, te well job baro rai pral i themma Gilead, Asser, Jesreel, Efrajim, Benjamin un pral o tselo Israel.

1. Familjakro liil 2:23

Pal i tsiro wan i Geshurarja un i Syrarja, un lan lenge shob-deesh forja krik. Mashkral lende his kol ‘Jaireskre gaba’ un ko foro Kenat un kol gaba trujel. Hakeno an ko kotar them was pal ko mursheste Machir, koleskro dad o Gilead his.

Ezekiel 47:13

Kawa penell o baro Dewel, maro rai: Kanna penau tuke, har baro kau them hi, un hawo kotar lestar lell hakeno kol deesh-te-dui tchawendar o Jakobestar. Denn hakeneste leskro kotar them, te atchell kowa leske hako tsireske! Kal deesh-te-dui kotja hi emliges baro. O kheer Josef lell dui kotja. Me dom man sowel, te dap kau them tumare phurende. Un jaake well lo tumenge, te atchell lo an tumare familje.

4. Mose 26:29

O Manasse his o dad jek tchawestar, kowa his o Machir. Kolestar wenna kol Machirarja. O Machir las i tchawo, kowa kharas Gilead. Kolestar wenna kol Gileadarja.

4. Mose 27:1

Un o Zelofhad, koleskro dad o Hefer his, koleskro dad o Gilead his, koleskro dad o Machir his, koleskro dad o Manasse his, koleskro dad o Josef his, les his pantch tcha: i Machla, i Noa, i Hogla, i Milka, un i Tirza.

4. Mose 32:33

Jaake das o Mose kol menshen dran o kheer Gad un dran o kheer Ruben un ko paash kol menshendar dran o kheer Manasse, kai o Josefeskro tchawo his, ko them, kai o Sihon o baro rai pral i Amorarja his un ko them, kai o Og o baro rai pral Bashan his. Job das len o tselo them un kol forja koi dren.

5. Mose 21:17

Na-a, job hunte dell ko wawares dui kope jaake bud, job hi o phureder, ninna te his lo koi romjatar, kolat kamell lo gar. Job was glanstunes boldo un leske hi o tchatchepen, te lell lo, hoi o phureder lell.

Josua 17:2

Palle lan i familje, kai wan i wawar tchawendar o murshestar Manasse pengro them, jaake har i barra peran. Kolla his i familje, kai wan kal murshendar: o Abijeser un o Helek o Asrijel un o Sichem un o Hefer un o Shemida. Kolla lauter wan o murshestar Manasse, koleskro dad o Josef his. Jon his phureder pral pengre familje.

Josua 22:7

O Mose das o paash kol menshendar dran o kheer Manasse o them Bashan, te well lo lengro. Ko wawar paash das o Josua lengro them mank lengre phralende ap koi rig o panjestar Jordan, kai o kham tele djal. Un har mukas o Josua kolen te djal, kai ap i wawar rig o panjestar Jordan khere hi, un o Debleskri bacht pral lende win rakras,

Čačepangre 5:14

Dran o Efrajim wan kolla, kai dran o them Amalek wan. Pal lende was o Benjamin peskre lurdentsa, dran o Machir wan i pralstune, un dran o Sebulon i bare lurde.