Josua 15:7 - O Debleskro Drom 2021 (Sinte)

⁷ un dureder an i tala Achor un pral pash o foro Debir, un dureder ap koi nordetikri rig pash o foro Gilgal. O foro Gilgal his tchiddo ap i wawar rig o dromestar, hoi djas an i berga Adummim. Kai berga hi ap koi rig fun i tala, kai o kham pralstunes hi. Un ko drom, hoi sikras, har dur o them djal, djas fun o foro Gilgal dureder pash o pani En-Shemesh un pash o pani, hoi kharell En-Rogel,

O Debleskro Lab 2024 (Sinte-Manouche)

⁷ oun doureder an i tala Akor oun pral pash o foro Debir, oun doureder ap koy nordetikri rig pash o foro Gilgal. O foro Gilgal his čiddo ap i vavar rig o dromestar, hoy djas an i berga Adoummim. Kay berga hi ap koy rig foun i tala, kay o kham pralstounes hi. Oun ko drom, hoy sikras, har dour o them djal, djas foun o foro Gilgal doureder pash o pani En-Shemesh oun pash o pani, hoy kharell En-Rogel,

Josua 15:7 Iomraidhean Croise

2. Samuel 17:17

O Jonatan un o Ahimaaz his tardo pash o pani, hoi kharell Rogel. Jon nai mukan pen gar an o foro te dikell. Un i budepaskretsa was pash lende un penas lenge, hoi jon hunte penenn o Davideske.

1. Rajengro liil 1:9

Un o Adonija kras i baro chapen pash o bar, hoi kharell Sohelet pash o pani Rogel. Un anas bakren un grumjen un thulle terne grumjen o Debleske, [te wenn leske kol feteder kotja mass chatchedo, un te chan le ko wawar mass.] Un peskre phralenge, o baro rajeskre wawar tchawenge, mukas lo te penell, te wenn le pash o chapen. Ninna i tsele wawar murshenge dran Juda, kai budran an o baro rajeskro kheer, mukas lo te well.

Jesaja 65:10

Mire menshenge, kai putchenn pal mande, well i tala Sharon koi platsa, kai anenn le pengre bakre, un i tala Achor well koi platsa, kai atchenn pengre grumja.

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Josua 10:43

Un palle djas o Josua peskre tsele lurdentsa pale ap lengre platsa pash o foro Gilgal.

Josua 15:15

Un job djas dureder un kuras pes kolentsa, kai an o foro Debir djiwenn. Un ko foro kharas glan kowa Kirjat-Sefer.

Josua 15:6

dureder bis pash o foro Bet-Hogla, un dureder ap i nordetikri rig o forestar Bet-Araba pral bis pash o bar Bohan, hoi kharedo hi pal o tchaweste o murshestar Ruben,

Josua 18:17

un dureder ap koi rig, kai norden hi, bis pash o pani En-Shemesh un dureder pash Gelilot, hoi ap i wawar rig o dromestar tchiddo hi, hoi djal an i berga Adummim. Un palle djas o drom tele pash o bar Bohan, hoi kharedo hi pal o tchaweste o murshestar Ruben.

Josua 4:19

Kowa his o deshto diwes an o glanstuno tchon, har i Israelitarja ap i wawar rig o panjestar Jordan wan. Un jon tchiwan pengre plachtene khera pre ap i platsa, hoi kharella Gilgal. Kai platsa hi pash o foro Jericho ap koi rig, kai o kham pre djala.

Josua 7:24

Un o Josua un i tsele Israelitarja lan o Achanes, koleskro dad o Serach his, un ko rup, koi plaashka un ko baro lengsto sonakaskro kotar, ninna leskre tchawen un leskre tchen, leskre grumjen un burike, bakre un leskro plachteno kheer, un halauter, hoi leske his, un anan len an i tala, hoi kharella Achor.

Josua 7:26

Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.