Josua 15:11 - O Debleskro Drom 2021 (Sinte)

¹¹ un palle dureder ap i tikni berga, hoi ap i nordetikri rig o forestar Ekron hi, un dureder pash o foro Shikkaron un dureder pash i berga Baala, un dureder bis pash o foro Jabneel un pash o Baro Pani.

O Debleskro Lab 2024 (Sinte-Manouche)

¹¹ oun palle doureder ap i tikni berga, hoy ap i nordetikri rig o forestar Ekron hi, oun doureder pash o foro Shikkaron oun doureder pash i berga Baala, oun doureder bis pash o foro Yabneel oun pash o Baro Pani.

Josua 15:11 Iomraidhean Croise

2. Rajengro liil 1:16

un penas ap leste: “Kowa penas o baro Dewel: Tu bitchral bitchepangren pash o Baal-Sebub, ko dewel an Ekron, te putchess lestar i lab, har te wals kek Dewel an Israel, kai nai putcheh i lab. Doleske weh tu gar buder tiro tchiben tele, kai tu pre tchiddo hal. Tchatchepah tu mereh.”

2. Rajengro liil 1:6

Jon penan ap leste: “Koi was i mursh pash mende, har mer ap o drom hams, un penas ap mende: ‘Djan pale pash o baro rajeste, kai bitchras tumen, un penenn ap leste: Kowa penell o baro Dewel: Hi kai kek Dewel an Israel? Hoske bitchreh murshen pash o Baal-Sebub, ko dewel pral Ekron, te putchess lestar? Doleske weh tu gar buder tiro tchiben tele, kai tu pre tchiddo hal. Tchatchepah tu mereh.’”

2. Familjakro liil 26:6

Un job djas an o kurepen un kuras pes i Filistarentsa un phagas i massurja tele trul i forja Gat, Jabne un Ashdod. Un mukas sorele barrengre khera te krell an o them trul Ashdod un an o Filistarengro them.

4. Mose 34:6

Kote, kai o kham tele djal, djal tumaro them bis pash o Mashkralstuno Baro Pani.

Josua 15:10

Un fun o foro Baala djas o drom pash i berge Seir, hoi kote tchiddo hi, kai o kham tele djal. Fun kotar djas dureder ap i nordetikri rig koi bergatar Jearim – lakro wawar lab hi Kesalon – un palle tele pash o foro Bet-Shemesh un dureder an o foro Timna;

Josua 15:12

Ap koi rig, kai o kham tele djal, djas o them bis pash o Baro Pani. Kawa hi o them, hoi lan i familje dran o kheer Juda.

Josua 15:45

Pash o Baro Pani his kol forja: Ekron un leskre tikneder forja, un koi pashel gomme lengre gaba;

Josua 15:9

Fun kotar pral ap kai berga djas o drom tele trul i berga trujel un pash ko pani, hoi kharell Me-Neftoach, un pash kol forja, hoi pash i berge Efron tchiddo hi. Un kotar djas ko drom tele pash o foro Baala – kowa hi kau diwes Kirjat-Jearim.

Čačepangre 1:18

Un o Juda las ninna i forja Gaza, Ashkelon un Ekron dren un o them, hoi koi pashel his.

1. Samuel 17:52

Un i tsele lurde dran Israel un dran Juda djan glan, dan i bari kurepaskri gole, un lan kol Filistarja palla jaake dur, bis te wan le pash o foro Gat un glan i bare wudja o forestar Ekron. Un i mule Filistarja his tchiddo ap o drom mank Shaarajim un Gat un Ekron.

1. Samuel 5:10

Koi bitchran le o mochton, kai o Debleskre laba dren hi, an o foro Ekron. Un har ko mochton an o foro Ekron dren was, dan i menshe kote gole i darjatar un penan: “Jon anan o mochton o Israeleskro Deblestar pash mende, te marell lo men lauteren.”

1. Samuel 5:8

Un jon bitchran murshen an o tselo them Filistia un dan i tsele rajen khetne gole, un putchan lendar: “Hoi kras mer ko mochtoneha o Israeleskro Deblestar, kai leskre laba dren hi?” Kolla penan: “Anenn les an Gat.” Un jon hidjran les an o foro Gat.

1. Samuel 7:14

Un o Israel las peske kol forja pale, kolen i Filistarja lendar krik lan an o them mank Ekron un Gat. Kal forja las o Israel win dran i wasta i Filistarendar. Un ninna mank i Israelitarja un i Amorarja his buder kek kurepen.